|
![]() |
#1 |
شاعر السقيفه
![]()
|
![]() بسم الله الرحمن الرحيم
السلام عليكم ورحمة الله وبركاته
اهريت من هاجسي نص الليل جاني بالدرك = وقال لي لبيك بين ايديك برمي من رماك الرمح في يدي وسيفي بايدك الحيد دك = قدني من السابق معك منته مهمّل في خلاك من عهد سابق ماتركتك معضم اوقاتي معك = حاشا علي مرميك لو فالكير باضلي معاك طبع الوفا والجود من مبداي لا تضمر بشك = الا ان معك شي شك في اولادك تهرب من لقاك ابشر انا بوردك معيان من بعد الضنك = من عد صافي ياولد عكعوك باملي سقاك بيني وبينك عهد طول اعمارنا ماشي مفك = الا ان فرقنا الموت مل مقدور مامنه فكاك انهم بصوتك لا تجامل خل كلن يسمعك = العيف قله عيف والصمصوم خله في حماك خله على يمناك واحذر لا تحطه بيسرك = لا صار لك ماصار او نسيوك ربعك مانساك خل الثقه في حضرته ولا تأثر بالصكك = سكّنه في مسكن ملايم له كما مسكن ضناك مولا الشروع الوافيه ذي مايوقع فالشبك = يعرف لمخراجه قبل يدخل ويعرف كيد ذاك ولا تغرك شي مناظر او مدايح باحنك = في لبس متواضع وامام الناس في منظر ملاك الصاحيه مستانسه والجرب تسعا للمحك = تبغا لها الكبريت والنوره يحكوها حكاك شف قدك شيبه ماتبا عادك وصايا تنفعك = الوقت ذي قد عشتبه لا شك باعك واشتراك اتعبت قلبي بالنصايح ياعسى الله يقطعك = ولعاد ابا نصحك ولا وجهك ولا بطلب رضاك ثلثين عمري قد عبر وانا مهستر واتبعك = اتعبتني وآذيتني كل المشاكل من قفاك ساعات تقزمني وتلقيني قزم في موقعك = واحيان تلقيني ملك كسرا وتسحق لي دواك واحيان ملقيني في العرضات خاتم بصبعك = واحيان تلقيني عصى تطرد بها كلبن شضاك واحيان تلقيني من اهل الراي داخل مجمعك = واحيان تلقيني من اهل الجهل لاشفت اصدقاك مرمرت بي لوعت كبدي انت ولي يدفعك = واليوم محبوبك وبكره خاف يدحق في شواك خلاص فاض الكيل يالمدمور لاحد يسمعك = روّح على كيفك تسمر عند ذي يبرد ضماك هو قده مطرب بايدندن لك على مايعجبك = وانك تمز بايحضر الرشبه وبيجيب الجراك مادام مطرب عبقري خلك معه بيطورك = لا سرت في سعفت مثقف بايرفع مستواك بايطلعك سطح القمر صوب الفضا بايدقعك = وانك تبا المريخ جاهز وانت شل زادك وماك رجال له خبره ويعرف كل ماهو يوجعك = وباينقش لك وبتفتح عيونك من عماك هو قده يعرف ماتريده لا تشك .... = بس انت خل يدك سخيه وعط له من ذا وذاك مانا قفل لنبير عندي لو تجيني بدفخك = تركت فالفوضى وقزيت البلاوي من مبلاك ولعاد ابا شعرك ولا شكلك ولا با سعفتك = لانا بمصهر وانت منقذني عسى تقطع يداك يسلم صالح بن عكعوك بن غانم 23 \ 9 \ 2010م |
![]() |
![]() |
#2 |
حال نشيط
![]()
|
![]()
السلام عليكم ورحمة الله وباركاته
الشاعر /العملاق بن عكعوك صح لسانك ياشاعر القبيله قصيده جزله من شاعر غني عن التعريف يعجز كثير من الشعراء على كتابه مثل هاذه القصايد هناء الجزاله والاصاله والابداع اسجل اعجابي الكبير /سيف رخية |
![]() |
![]() |
#3 | ||
شاعر السقيفة
![]()
|
![]()
الشاعر يسلم بن عكعوك يسرني ان اكون اول من يمر بهذه القصيدة العصماء صح لسانك ملايين يابوصالح ياولد بن عكعوك من صاحبك وش لي زعلك *** حافظ على الصاحب وخل الزمر مطلع من قداك وبيننا التليفون يايســـــــــــــــلم وبتفاهم معك *** وباعرف من ايش تشــــــــكي لاجل بادور دواك مع التحية .. ابوفضل سالم |
||
التعديل الأخير تم بواسطة ابوفضل سالم ; 09-23-2010 الساعة 11:58 PM |
|||
![]() |
![]() |
#4 | ||
شاعر السقيفه
![]()
|
![]()
قد صحيت يابو فضل قدني انقا ضلالي هههههه والحمد لله
ومشكور على مرورك يابوفضل وان شاء الله بيننا لقاء في القريب |
||
![]() |
![]() |
#5 | ||||||||
ابوراضي
![]() ![]() ![]() ![]() ![]() ![]()
![]() |
![]()
كلااااااااااااااام من العيار الثقيل
وثقه يستحقه هاجسك يابوصالح صح لسانك واعتلا شانك تقبل تحياتي ابوراضي |
||||||||
![]() |
![]() |
#6 |
شاعر السقيفه
![]() ![]()
|
![]()
كلام يصم الراس صم من شاعر صمصوم
لله درك يابوصالح وصح لسانك على قول قصيدة جزله من راس جزل تقبل مروري وصادق تحياتي بن قطمان |
![]() |
![]() |
#7 |
شاعر السقيفه
![]() ![]()
|
![]()
كلام يابوصالح ابداع ابداع ولاهو غريب الابداع على مدرسة عكعوك
قصيده في غاية الجمال من شاعر كبير دمت مبدع كما عهدناك تقبل تحيات ابنك مجمل |
![]() |
![]() |
#8 | ||
شاعر السقيفه
![]()
|
![]()
ماذا يمكنا ان نقول ونعلق به امام هذا النظم المتقن لشاعرنا المخضرم يسلم صالح بن عكوك غير الاعجاب والاندهاش.. والاستفاده من خبرته ومهارته ورمزيته العصيّة.. ارجو قبول مروري وعجابي الشديد.. |
||
![]() |
![]() |
#9 |
حال جديد
|
![]()
الى يسلم بن عكعوك :
من كلام الجلف ياكم رجاجيل تكلف ***** زقلوا بالعكف روؤس الدقام الطويله ريضوا بالمحف مازالت الرجل والكف **** ياحسوف الحسف من لاحضر في العضيده مــــــــــــخــــــــــلـــــــــــــــــــــــــ ــــــــــــــــص |
![]() |
![]() |
#10 |
حال جديد
|
![]()
الى يسلم بن عكعوك :
من كلام الجلف ياكم رجاجيل تكلف ***** زقلوا بالعكف روؤس الدقام الطويله ريضوا بالمحف مازالت الرجل والكف **** ياحسوف الحسف من لاحضر في العضيده مــــــــــــخــــــــــلـــــــــــــــــــــــــ ــــــــــــــــص |
![]() |
![]() |
مواقع النشر (المفضلة) |
|
|
|