|
05-27-2012, 02:08 AM | #1 | |||||
شاعر السقيفه
|
بدع وجواب ثلاثي بين كلن من حسن بن مدوخ/خالد بن قاسم/احمد بلحول
بدع وجواب ثلاثي بين كلمن حسن بن مدوخ/خالد بن قاسم/احمد بلحول)
(بن مدوخ) ليش بلحول الشاعر علينا تكبر=هو وخالد معد واحد كتب لي رساله او يضنون من جا ساحل البحر لحمر=يحسبونه من اصحاب السمو والجلاله كم تخبرت من لثنين ماحد تخبر=من حسن كلهم ماحد درا كيف حاله بعدماهم معي في كل قيله ومسمر=قبل تطلع جميله سعد والبرتقاله (خالد بن قاســــــــم) مرحبا مرحبا ترحيب بالعود لخضر=عدما يلمي البارق وعثنن رساله يوم جا خط من شاعر مبخر معطر=خير من الف سوبر ماركت اوبقاله جا ونحنا في الغربه ولنزل ولضهر=انا ويااحمد وكمن جيد حظه قتاله كم تعبنا وكم حالات لكسب ولخسر=وحيث ماجيت واحنا في حياة البطاله والعرب حد عمد في قصر عالي منور=وحد حياته نكد اوعيشته عالزباله وانت قالو معك رشاش الي وموتر=تقنص الصيد من راس الجبل لاسفاله ياحسن تحسب الغربه خلاصه من الشر=وتحسب المغترب عايش مع اهل الجلاله عيشت المغتر عيشة مبهذل مدهور=نار فرق الوطن ونار فرقت عياله والمغاني زمنها راح قالوتغير=وين ابوبكر والمحضار حيا قواله زامهم راح جانا زام زام ثاني مطور=فيه احلام قد غنت وغنت اصاله وعاد فنان ملقي ساعته لستك احمر=له جماهير من بني ياس لما صلاله وانت مشكور ياصاحب مدبل مكرر=يارجل جيد عمرك مانويت الفساله والتحيات لشيبان مليون وكثر=والف صلو على محمد وصحبه واله (الشاعر احمد بلحول) قال ابو مهدي الشاعر معد باتعذر=بعد ما جاتني لقوال ماشي محاله خط من عند بن مدوخ وقنف وثور=وخط من عند بن قاسم رعد في مخاله وبعد ذلحين قم يا هاجسي بلتسمر=كلم القهوجي قله يجهز دلاله بالجوب على لثنين ليمن وليسر=حد قبضناه باليمنا وحد في شماله كلفونا على قهوه وبوري معمر=والسجاره تركناها وهذه جماله ياحسن لو عرفت المغترب كيف يسهر=كيف يوكل ويشرب خاب حاله وماله لو تجي عندنا وانته كما الشهم عنتر=باتجرب نظام السعوده والعماله خير ياخوي خلك في مكانك تهذر=ماسمعت المثل ذي قال كثر الرجاله ذا جوابك وانا كملت كلما تقصر=من قدا الجيد بن قاسم بطي الرساله |
|||||
05-27-2012, 02:33 PM | #2 | ||||||
شاعر السقيفه
|
صحت السنتكم جميعا بدع وجواب غايه في الروعه
والله يكون في عون المغترب |
||||||
05-27-2012, 04:13 PM | #3 | |||||
حال متالّق
|
ماقصرو شعر جميل تسلمووووووووووووو
والله بن قاسم من زمان معاد سمعنا صوته |
|||||
مواقع النشر (المفضلة) |
|
|
|