|
06-02-2011, 02:20 PM | #1 | |||||
شاعر السقيفه
|
الدار الدويله جديدي لكم
ياهجوسي عاصحابي اردفي مني سلامي=عد مابيّت يصُب الغيث عاروس الصبار
جيتكم بالمنطقيه وافهمو مغزى كلامي=السواعي حرّفت ماجات عانفس المسار ياربابين السفينه جنّبوها موج طامي=لاتخلّوها كذا يلعب بها موج البحار خايف انها تجتفي واللوم عاشرقي وشامي=والمصيبه باتطولش ياسنابيك الخصار بعد عوجان الرقاب اليوم صرتي للتهامي=بايجيبش ميح او بايدقّبش وسط القشار كن بوه الوقت عايب قد سقط صقر القطامي=ذه طبيعه فالزمن يسقيك بعد الحلو قار اااه عالدار الدويله ااااه عامسبوق زامي=يوم كان الذيب هو والبهم يمسو فالوصار والمنيحه دارّه واليوم فيها صوب دامي=واللبن قسم الكباريّه ولاشي للصغار لين ملّت طبعهم قالتلهم فكّو خطامي=من جشعكم من طمعكم حسّها فالجوف نار كيه تركوني وانا ملّيت من من بيشي ويامي=خاف يرجعلي زماني او يعود الضرع دار وباتحذّر غير ولد الارض مايمسك لجامي=واللبن مابايذوقه غير حلان الديار وبالقي حرّاس كل واحد معه ميزر ورامي=فالقناصه يقنصون الطير لي فالجو فار ختمها صلو على المختار هو خير الانامي=والصحابه واّّلهم بعداد اوراق الشجار |
|||||
التعديل الأخير تم بواسطة عيبون ; 06-02-2011 الساعة 02:39 PM |
||||||
06-02-2011, 02:29 PM | #2 | ||||||
شاعر السقيفة
|
مرور اولي يابن كشميم وتثبيت ومن ثم عوده قريبه
بايجيبش ميح او بايدق بش وسط القشـار بس شف لي وزن هالشطر كاني حاسس فيه ثقل |
||||||
06-02-2011, 02:39 PM | #3 | |||||||
شاعر السقيفه
|
تم التعديل ياوزران وتسلم عالملاحظه واشكرك عالتثبيت |
|||||||
06-02-2011, 06:03 PM | #4 | |||||||
حال جديد
|
حسبك الله وكفى بعد تسع دقايق قذ ثبتها وعدلت اوزانها
|
|||||||
06-02-2011, 07:11 PM | #5 | ||||||||
شاعر السقيفة
|
وهو من دواعي فخري ان اكون اول من قراها بتركيز ومن عدلها هو قائلها يامستر خالف تعرف |
||||||||
06-02-2011, 08:06 PM | #6 | |||||||
حال جديد
|
ياخير فخر يابن حمد توك لقي لي بغيته
بعدين اني اخت لك حضرميه مو مستر !! |
|||||||
06-02-2011, 03:01 PM | #7 | ||||||
شخصيات هامه
|
لك تحياتي وتقديري وايضا احترامي = لك محبة قلب خالص بالوفاء والاعتبار
شفت في هرجك تراث اهلي خوالي مع عمامي=وامتداداتي في الاحقاف روح الافتخار بالنيابه قلت ماعندي واعظم اهتمامي= قلتها في وقتها جبتها عادار دار |
||||||
06-02-2011, 08:29 PM | #8 | |||||||
شاعر السقيفه
|
ولك عرفاني اخي حنطبه عالمرور العذب والابيات الجميله منك وانت شاعر لمع نجمك فالسقيفه في فتره وجبزه اضن الاسم حنطبه يحوي وراه اسم شاعر كبير ان ماخاب ظني اشكرك عالمرور اخوك صالح بن هلابي |
|||||||
06-02-2011, 04:29 PM | #9 | ||||||
نائب مشرف عام قسم الأدب والفن
|
قصيدة رائعة أخي عيبون
وهذا هو ما نتوقعه من شاعر بهامتك |
||||||
06-05-2011, 08:31 PM | #10 | |||||||
شاعر السقيفه
|
مرورك الاروع يابن عمرو ونبقى من تلاميذك يالمخشني مشكور عالمرور تحياتي لك اخوك صالح بن هلابي |
|||||||
مواقع النشر (المفضلة) |
|
|
|