قصيده لضريبي قبل 106 سنه

[ابوثامر بن حيدره]

قصيده الضريبي قبل 106 سنه

يالله اطلبـك تقبـل طـيـب النـيـه=يالمنفـرد بالبقـاء يالواحـد القهـار
يالي رفعت السماء والارض مدحيـه=والقيت فيها رواسي شامخـه وانهـار
ياذي بقدرتك جملـت لـرض محييـه=من رحمت الله ماحد يحصي الامطار
الحمـد لله مـا طلـعـت مناشـيـه=ماسبح الرعد في منشي بـارق ثـار
حمدآ كثيرآ مـلا عرشـه وكرسيـه=من قول صادق عدد مسبلـت لمطـار
صلو على المصطفا في كـل جمعيـه=مولا الشبابيـك ذي خبتلـه الـزوار
احمـد محمـد عطـاه الله بخصـيـه=من رافع العرش نوره قد سبق لنـوار
حليـت فـي حـد مابيـن الحراميـه=في حد منكور بيـن التـرك والكفـار
يوم الشرع عندنـاء زانتـه مرسيـه=نحنا ومره وبـن ماضـي ولدبلقـار
ساعات بكـره ولاساعـات عصريـه=بلهطف ومات طيه صنعـت البيطـار
وبعـد ياطيـر يانـسـل القطامـيـه=ياذي في الجو من فوق الثريـا فـار
بعطيك ورقه قـدا صاحبـي مغريـه=فيهات قوافي عجيبه والبيوت اهجـار
لاجول لفحون فيها حصـون حربيـه=لاحصن غلبه منيف عالـي الصبـار
لاعند سالم محمـد حـي مـن طيـه=مولا الفرنصيص مايغبنـه علمنـدار
بلغـه منـي سـلام الاف خصـيـه=ذي يقصع البعد لاضرب العدا صرار
الله يخلـيـه يـشـرب در عربـيـه=ماهو كما بعضهم يشرب من التوبـار
ياسالـم ان المحـب زلتـه منسـيـه=تنصت لهرجه في المجلس ولاهو جار
قل يالهلبـان حـادو علـى العتيويـه=نسل الاجاويـد ذي غـارو وبننجـار
ان صموز الثور على الماذن لقو ليـه=وان غارو البعد كمن صـرم بايغتـار
ياذي تبا الحب شف الحجـال مذريـه=قدم قروشك وكل لاطلعـت الاسعـار
هاذه السنـه بلتقـع عكضـه ولميـه=وهل الحراثات قد محضولها الوصار
وديت سافـر ونـول سعـف عبريـه=لاسواق منبي مراكب شامخه سنجـار
لاكن ساقي نشب في قيـود صعديـه=مانا طلق عاد في حافورهـا مسمـار
اعوج سمح حجتـه بيضـاء ومقفيـه=شال المصاحف وشال الطبل والمزمار
والقـا قنابيـس مـن شغـل اليمانيـه=ساعات يملي ولاساعه رخـا لوتـار
معـاد ذاذاك هـاذا وقــت سبـيـه=تحسبه مسلم وهو في الغبيـه سحـار
جابو لنا هطـف ماتعـرف وهرتيه=وانواع ظهرت جديده جابها من سـار
ريفل وميزر حلقهـن ميـس مسميـه=مـن فعلهـن لتفقنـا جـر ياجـرار
رعالله ايــام لنـشـد علشمـالـيـه=لتسابـق القـدح باليمـان واليـسـار
واسلابنـا مـن فرنجيـه وشامـيـه=واروم كمـن مخبـط فعلهـا جـوار
مـن بايجـوب يجيـب ابيـات فنيـه=يشقها مثل عـود الحمـر بالمنشـار
ولا نشـد علـى ذي قشعتـه محنيـه=قله بيوت الضريبـي جـات لمـدار
ورخت بنـص فـي شـوال مسميـه=بعد الثلاث الميـه والالـف يلحـزار
واربع وعشرين مـن لعـوام مسميـه=مورخه عندنـا ماشـي لهـا مقـدار
والختم صلو على احمد طيـب النيـه=محمـد المصطفـا بلقسـم المختـار

[صالح باعمران ابو زايد]

اشكرك اخي ابو ثامر على
هذه التحفه النادره....
تحياتي لك

[ابوثامر بن حيدره]

اقتباس : المشاركة الأصلية كتبت بواسطة صالح باعمران ابو زايد [ مشاهدة المشاركة ]

اشكرك اخي ابو ثامر على هذه التحفه النادره.... تحياتي لك

الاخ صالح باعمران ابو زايد اتشرف بمرورك بهاذي الصفحه
ولك جزيل الشكر

[راجعين]

سلمت يا بن حيدور على النقل الجميل والرائع تقبل تحياتي

[ابن لجواد]

اللة يطول في عمرك يا ابو ثامر اذا تحفض قصايد اخرى لهذا العملاق الكبير فلا تبخل علينا

[ابوثامر بن حيدره]

اقتباس : المشاركة الأصلية كتبت بواسطة ابن لجواد [ مشاهدة المشاركة ]

اللة يطول في عمرك يا ابو ثامر اذا تحفض قصايد اخرى لهذا العملاق الكبير فلا تبخل علينا

شكرآ لك ياابن لجواد على المرور
وان شاالله اقدم لكم المزيد من الشعر التراثي في الايام القريبه

[ابوثامر بن حيدره]

اقتباس : المشاركة الأصلية كتبت بواسطة راجعين [ مشاهدة المشاركة ]

سلمت يا بن حيدور على النقل الجميل والرائع تقبل تحياتي

تسلم يابن لجود
وتشرف بمرورك

[سعيد عبيد]

قصيده زينه من شاعر قوي ماشاء الله عليه
مشكور على النقل الطيب يالطيب

[طالب النعماني]

قصيده رائعه تحمل معاني كبيره
رحم الله الشاعر وحفظ اله الناقل
اشكرك يابن حيدور على النقل المميز

[ابوثامر بن حيدره]

اقتباس : المشاركة الأصلية كتبت بواسطة طالب النعماني [ مشاهدة المشاركة ]

قصيده رائعه تحمل معاني كبيره رحم الله الشاعر وحفظ اله الناقل اشكرك يابن حيدور على النقل المميز

اشكر الاخ طالب حسن على المرور
واتمنالك دوام الصحه والعافيه
ولاهنت يابو راضي