من باطل الوقت جم قصرات قاسيتها ( جواب للشاعر الكبير يسلم بن عكعوك بن غانم )

[طالب النعماني]

أبديت بك ياإلهي ياعزيز القدر=ياباسط الأرض وجبالك بها ارسيتها
ياعالم أسرار في علم الفضاء والقمر=وتعلم أسرار وسط الجوف أخفيتها
سالك بلطفك وغفرانك نهار انقبر=والطف بنفسي نهار البعث لا حييتها
في يوم موعود باتجزي جميع البشر=يابخت كل نفس بالغفران جازيتها
والفي صلاتي على المختار صفوة مضر=عدة نجوم السماء لي فوق أعليتها
صلاه تغشى ضريحه عد نزل المطر=وعد مانبتت الازهار لاسقيتها
وبعد ذلحين بارحب بذيب الغمر=حيا تراحيب بالعداد ماحصيتها
حيا بيسلم ومن سعفه ضوى للسمر=شاعر لجاويد له قيفان غنيتها
مثل البغية تشل الشوش هو والكدر=كم من قصيدة على قافيه جاريتها
واليوم يشكي لنا حاجات يااهل المقر=مايدري إني ثمان اسنين عانيتها
قولوا ليسلم لعد تشكي زماني عبر=في سعف جاويد قد حادوا على صيتها
حي من دلاعيس ماتحسب حساب الخطر=كمين عقبة وكم عصرات عديتها
واليوم معلول عظماني تراقل بشر=من باطل الوقت جم قصرات قاسيتها
وانته تباني من الأحداث جيب الخبر= وانته بعدستك للجمهور بثيتها
يايسلم اليوم من قل النظر والبصر=شف بعض لخبار ماسمعها ولا بغيتها
وانته بناظور مديت البصر والنظر=شفت البعيدة ولي في القرب ما رأيتها
ياسارح الصبح في صالون وارد قطر=شل الرسالة لـ بن عكعوك خطيتها
فيها جوابي نقشته فوق صم الحجر=صنعة حليلة على الجودات ربيتها
حي من حليها طغت عاكل بحرٍ وبر=كل الحلايل وكل الجن عاديتها
بين العضائد تخلي الحبل مزرور زر=ماشي ملامة علي لو كنت عزيتها
وانته في الشعر ياعكعوك رقمك عسر=ماتحسب الجن لو تحضر عفاريتها
هذا جوابي ونرجوا العفو لو شي قصر=يامن معزتك فوق الراس حطيتها
يانسل عكعوك بونشوة كبير العجر=يامن بسمعته جم هامات وطيتها
واختم بيوتي بمن جاب الكتب والسور=عد ماتشهدت في فروضي وصليتها
كلن يصلي على المختار يامن حضر=تمت بيوتي وبالمختار تميتها

[الفتى الرحال]

فيـهـا جـوابـي نقشـتـه فــوق صـــم الـحـجـر وادر حـلـيــلــه عـــلـــى الـــجـــودات ربـيـتــهــا
حـي مـن حليهـا طغـت عاكـل بـحـرن وبــر كـــــل الـحــلايــل وكــــــل الـــجـــن عـاديـتــهــا
بـيـن العضـائـد تـخـلـي الـحـبـل مـــزرورزر مـاشــي مـلامــه عـلــي لـــو كـنــت عزيـتـهـا
قصيدة رااايعه جواب شافي لبن عكعوك
صصح لسانك يا بو رااضي
لك مي وافر التحيه

[حصن باجيف]

صح لسانك يابوراضي جواب شافي وكافي
ولو كان البدع مقتبس ووظعت الجواب بعده مباشره لكان
اسهل على المتصفح على كل حال بدع وجواب رايعيين من
شعراء كبار بن عكعوك وبوراضي هامات شامخه
لكم كل الود والتقدير اخي ابوراضي

[طالب النعماني]

اقتباس : المشاركة الأصلية كتبت بواسطة الفتى الرحال [ مشاهدة المشاركة ]

فيـهـا جـوابـي نقشـتـه فــوق صـــم الـحـجـر وادر حـلـيــلــه عـــلـــى الـــجـــودات ربـيـتــهــا حـي مـن حليهـا طغـت عاكـل بـحـرن وبــر كـــــل الـحــلايــل وكــــــل الـــجـــن عـاديـتــهــا بـيـن العضـائـد تـخـلـي الـحـبـل مـــزرورزر مـاشــي مـلامــه عـلــي لـــو كـنــت عزيـتـهـا قصيدة رااايعه جواب شافي لبن عكعوك صصح لسانك يا بو رااضي لك مي وافر التحيه

بارك الله فيك وابقاااااااااك اخي الفتى الرحال
شهادتك اعتز بها وافتخر بها
شكرا لك

[الواقعي]

مرور اولي وقبل اي تعليق ياليت ترفق بدع بن عكعوك حتى توفّر على المتصفحين عناء البحث
ارجو المعذره
واسف على اللقافه

[طالب النعماني]

اقتباس : المشاركة الأصلية كتبت بواسطة الواقعي [ مشاهدة المشاركة ]

مرور اولي وقبل اي تعليق ياليت ترفق بدع بن عكعوك حتى توفّر على المتصفحين عناء البحث ارجو المعذره واسف على اللقافه

بارك الله فيك وابقاااااااااااك اخي الواقعي
وشكرا لك على مرورك الكريم
وان شالله ابحث عن قصيدة بن عكعوك وارفقها

[عمر الذيب]

كلااااااااااام كلااااااااااااااااااااااااام
يابو راضي جواب جميل من شاعر اصيل لك ولبن عكعوك كل التحيه والاحترام
عمر الذيب

[ابوفضل سالم]

كفيت ووفيت يا بو راضي
يامحسن البد ع لولا الجواب
طالب باتيس وبن عكعوك لهما اسلوب مميز في الشعروكل منهما يفهم الآخر
تقبل اعجابي واطيب تحياتي
ابو فضل سالم

[دمار التميمي]

يعطيك العافيه يابو راضي ولاكنت مارديت بجواب لبن عكعوك

كنا ننتظر رد افضل من هذا ... قصيده عاديه ماتحمل الرموز

مثل ماطرح بن عكعوك

ياريت يكون فيه رد افضل

لك تحياتي

[طالب النعماني]

اقتباس : المشاركة الأصلية كتبت بواسطة دمار التميمي [ مشاهدة المشاركة ]

يعطيك العافيه يابو راضي ولاكنت مارديت بجواب لبن عكعوك كنا ننتظر رد افضل من هذا ... قصيده عاديه ماتحمل الرموز مثل ماطرح بن عكعوك ياريت يكون فيه رد افضل لك تحياتي

الجود من الماجود شكرا لك اخي مرورك شرف لي