مساجلات الزامــــل الشعبي

[سالم بن جوفان]

اقتباس : المشاركة الأصلية كتبت بواسطة المخشني

أخي سالم بن جوفان ... قصيدتك هذه على زامل تراثي معروف وأورد لك بيت من التراث القديم يمثل ذلك الزامل: معي ميتين با دخل بهم في كل وادي= سلوبتهم ميازر توطي كل عاصي وأرجو أن تتقبل مني نقدا بسيطا كي تعم الفائدة إن وزن قصيدتك يحتاج ان تعيد النظر فيه وستلاحظ أنك تستطيع أن تشل الزامل بالبيت الذي أوردته أنا بينما من الصعب أن تشل الزامل بقصيدتك وربما أن هذا هو السبب أيضا أن الإخوة لم يجاوب عليك أحد منهم لأن الوزن أشكل عليهم. وإليك مشاركة مني على نفس وزن قافيتك: وأنا با أوزن قوالي وهرجي ما نخليه=كما كيس العُطـُب يومهم نفضوا جوانيه وكل شاعر يجوب ويسبك لي معانيه=وميزان القوافي وجب إن نعتني فيه محمد بن سعيد بن مخـاشــن

من غلط يابن مخاشن ربك بايجازيه=وأدعي لشاعر العرض ربي يعافيه
لولا المسافه مشتاق لخلي وباجيه=با استفيد من قوله وكذا ايضاً محازيه
عسى يبلغه قولي وله قلبي يناجيه=غالي علينا ومن غلط عسى الله يهديه
ارحم صغير الوزن وزاملي لا تخفيه=وتراثنا الشعبي ماخفيت ابداً قوافيه
اقبل جوابي وبوزني رجاءً لا تخليه=والعذر قال بوصالح في اول وتاليه

[سالم بن جوفان]

اقتباس : المشاركة الأصلية كتبت بواسطة البكري

مرحيب بالمخشني وقوله لي يوفيه = والادمي لجل الجبر يلبي لداعيه والصاحب قنع والله مابانخليه = مقبول كل مايجي منه على مافيه والقول لي ناقص له لي يسويه = بالطب والحكمه قل لسالم نداويه ماحد مننا حامل باليد مكاويه = كل من زل عن طريقه علينا نرويه

مرحيب بالبكري له قول يوفيه=الصديق الوفي يسقيني وبسقيه
واللي بالقول هوقصدي وبعنيه=ومن خاواني انا والله خاويه
الطبيب المدوي له يعلم وبكويه=وعاد زندي قويه وبالقوه نقاويه
وللقول معنى و أعرف معانيه=ومن بغا يعرف يجارينا واجاريه
معي هاجس للعوزات مخليه=لا نهصت بالصوت توقع قوافيه

[مجمل]

ذا فصل بانفتح لكم كم باب = باجيبهم ذلحين بالتفصيل
من بعد مالبازل لي قد غاب = ماتنفع الحشوان للتحميل
شيبه معي هاجس وظن قد شاب = باقي عليكم كملوا التحليل

[سالم بن جوفان]

سلام يامجمل والسمر قد طاب=تحليل مطلوبك مع التعليل
كلام غامض والبدر لا غاب=نبيت نصلي ونكثر التهليل
والنوم ساعات لطوال لشناب=وفي كل غالي نبطل التقليل

[محمد سعيد بن مخاشن]

اقتباس : المشاركة الأصلية كتبت بواسطة سالم بن جوفان

من غلط يابن مخاشن ربك بايجازيه=وأدعي لشاعر العرض ربي يعافيه لولا المسافه مشتاق لخلي وباجيه=با استفيد من قوله وكذا ايضاً محازيه عسى يبلغه قولي وله قلبي يناجيه=غالي علينا ومن غلط عسى الله يهديه ارحم صغير الوزن وزاملي لا تخفيه=وتراثنا الشعبي ماخفيت ابداً قوافيه اقبل جوابي وبوزني رجاءً لا تخليه=والعذر قال بوصالح في اول وتاليه

وبن جوفان عندي كما عنتر وسِـبْـويه=عليم الله حبّـه وحب ربعه ومغليه

محمد بن سعيد بن مخـاشــن

[محمد سعيد بن مخاشن]

اقتباس : المشاركة الأصلية كتبت بواسطة مجمل

ذا فصل بانفتح لكم كم باب = باجيبهم ذلحين بالتفصيل من بعد مالبازل لي قد غاب = ماتنفع الحشوان للتحميل شيبه معي هاجس وظن قد شاب = باقي عليكم كملوا التحليل

با تكبر الحشوان يا الزنقاب=يغدي الحويشي مثل حجم الفيل
يعض ويرمح شف طويل الناب=ويرمي على الأعداء كما البابيل
والبازل إللي عن عيونك غاب=يأتي بدل له ... لازم التبديل

الزنقاب = الرأس العـــالــي

الأخ مجمل ... أرجو أن أكون قد عرفت قصدك وتوفقت في الإجابة عليك.

محمد بن سعيد بن مخـاشــن

[يسلم صالح بن عكعوك]

عرما تركها الشاجع المنطاب = وحل بعده فالوطن باجيل
روّح عليه الناب والمخلاب = ولعاد تقبص ياعمر بالذيل
راس الحنش فضخووه بالمعذاب = ذيهي تنكل بالعرب تنكيل
واليوم وقت الكاذب النصاب = عنده سوا الفستق وحب الهيل

[محمد سعيد بن مخاشن]

من حبكم قلبي غلب ما تاب=با جي لكم لو كان نص الليل
عاشق معنـّــى جم وفيكم حاب=وإمشي في الظلمه بلا قنديل
ما همني الكذاب والنصاب=ما اليوم يا صاحب طفح شو الكيل
ما خاف بدوان الفلا أو هاب=باشا بنى له قصر فوق النيل

محمد بن سعيد بن مخـاشــن

[بن قطمان]

ما تاب قلبي فالهوى ماتاب=لايقبل القسمة ولاالتبديل
كيف الخبر لتخالفت لسلاب=وامست تقارح ماتبى تحليل
العمر فاني والقدر غلاب=والناس بين الشك والتضليل
قولو ل يسلم ساعة االمحناب=بعض العرب بايمسك المنديل
قدخيرله لوبالغنم جلاب=لتسهلت هو يعرف التسهيل
حيا زمن امفتلي لشناب=اهل الشرف والعز والتاصيل

[سالم بن جوفان]

قال الذي بالقول ماخاب=سبحان من نزل القرآن تنزيل
يغفر دنوب العبد لاتاب=والعاصي لجهنم تصديراً وترحيل
يتكلم ويغلط بلا اسباب=واذا الريح مالت هو معها يميل
وذا كله لاخوه وخيرة احباب=ولي ماله سند هو خلي الخليل
القوافي دوب هي في تقلاب=وانت من الاصحاب بقوله بخيل
ليله في العمر وخلك اعقاب=اذا انت فزعان والعاد شلتك الرجيل
هذي نصيحه يانجم قدغاب=قول الحق دايم ولا تبقى هزيل