قصيده الشيبه بن عكعوك رحمه الله

[ابوثامر بن حيدره]

بونشوه يقول طرفي مافتر=وحلان في وقتنا ضلي وبات
ماني من الوقت هرجي ماقصر=لا من الخوف بقعا ساكنات
واعادبي شغب من حلو النضر=لي هو عيونه فتايل مسبرات
يرعا بقيدون والمضوا الغبر= راعي حبيشي سلوس مكثبات
ياوالي الشمس وطلوع القمر=والسبع لي فوقنا متقللات
وقلت ياواسع المده نضر= الوقت مقلوب نسم على الجهات
لانطرحت الغاشيه فوق النضر= ونطرحت اعضاي فوق الوقيات
وتجذب الروح والدف انكسر=وتقابلوني ونا في المسكرات
وسالت النفس والماء ما عبر =قدني من اهل القبور الداثرات
وقللوني على نعش السفر=واسمع هدات العرب والناعيات
وتناولوني بشفقه والبصر=ومكنو بلمدر والبانيات
وبعد كلن قدا داره دبر= وقالو الله يوفقه الثبات
وبعد يامعتني بعد السمر =في ضهر حره من المشقاص جات
حط الزيادي وطنه بلمزر=واربع حلق في جنوبها مبهمات
مرماك لحصون ذي كله زمر=في زمانها تعطي الا الصيبات
مضوك لاحصن مضوا لدفر= لاعند سالم غريب القافيات
ساعه يخابرك ثنه بلخبر=وانشد في الصيبه والمخطيات
ياسالم الوقت زامه قد عبر =عدى زمان البواطل لولات
الذيب والفرق يمسن في الوصر=لظان ضهرت قرون مفرتات
قدها ضفاعد تجر لهوام جر=يقعقعن بلحنه متفريات
سارو على لي يزرون العصر =ذولاك ذي ينجحون الكاويت
كل من رفسلك ضغط له بلبصر=ما تعبر الاالشهود الضاهرات
كسر في اعضاه خاف بلغشر=وباتفر الطيور الثانيات
ولاعصب نول وعزم على السفر=ترك صنا والحصون العليات
البنت لي تندالافي الدفر=ولاتشل لبسها جيز البنات
ذي لبسها امشاط مكسيه بشر=تزجيه دقع الجرور الوافيات
جاها مرض والعرب ماحد حزر=ماحسبو انه سببها للفوات
ولد العراقي عليها قد حدر=وخبها بسياسه والصفات
وندربها دون لاقريت عمر=بن بدر لي في العصور الاولات
عبر حديد السويسي في المجر= رد العفاريت مثل الحوريات
الفلس من خزنه الدوله عمر=القاء نوب في الخبوت الخاليات
والقا طياير تكشف كل بر=تجزع تقول الصقور الحاميات
اندر بحذاقهم بين التجر =مثل الغنم يوم تضوي عازبات
يسوقهم مثل سواق البقر =لاحطن الهيج يضون مدنفات
باعو بلا قيم غبران الصور=قفا الطمع والبطون المهلبات
فرحو بشعطور ماواحد حزر=ماعرفو انه صبر فوق النبات
يبون طعن الجنابي في الضبر=عراف واشوارهم متخالفات
يالله عسا غيث رعده مافتر=نزله ميازر وشرف مطربلات
لاتقابلو في الخلا عشرين كر=تصبح تراقل جبال القايمات
ذا ذي وجدناه في رهق الثمر=والعفو خلو الخواطر صافيات
ولفي صلاتي على سيد البشر=محمد المصطفى خير الجهات
عساه يغفر لنا يوم العسر=من خوف نار الجحيم الراشنات