وليد المصري وعيون المكلا في شعر جميل .

[سيف بوزيد]

قال الشاعر الكبير وليد المصري :

قال الهوي ماعرفت ان الهـوا ذبـاح=كنت احسب ان الهوى عادات معروفه
ما كنت اضن ان فكري ينشغل ياصاح=ولا فوادي يذوق الضيق فـي جوفـه
قد كنت سالي ودوما خاطري مرتـاح=والقلب بيت الجوانح ماعرف خوفـه
واني بضبي الجبل جاني وعرفه فـاح=وقعت في المصيده في حين من شوفه
تبسم الكون غنـى البلبـل الصـداح=وان الجوارح على اللقيـان مالوفـه
ايام راحـت ولكـن هبـت الاريـاح=وفرقت جمعنا المالوف فـي زوفـه
واصبحت ماسور بالقضبان للاتـراح=ما شفت انا الورد والاغصان مقطوفه
قررت اسافر وكابر بعـد ماقـد راح=رغم المقل لاقتناص الزين ملهوفـه
ياهل الهوى هل معاكم طب للاجـراح=قالو يد الطـب يامجـروح مكفوفـه
ياح اني اح ليـت البـرق ماقـد لاح=ولاعرفنازمـان الحـب وحـروفـه

وبعده قالت الشاعره المتألقة عيون المكلا :

قل للهوي ان للهواء في مسلكه مصباح = ينوًر الدرب في سانيه وعطوفه
وشعاع صادر من عين الذكي اللماح = يبدد افكار بالاوهام مسقوفه
وينطق الصمت بالايحاء وبالافصاح = ويسعد القلب من لوعته وشغوفه
واشجان من خاطرك في ثانيه تنزاح = وتطوف وديان بالاشجار ملفوفه
ضبي الجبل خوًفه شدة المقراح والقراح= ورصاص رشان من بندقك مقذوفه
عوًد مكانه وبعد اليوم ان لك لاح = بتجي رصاصه من غيرك على كتوفه
لاتحسبون الهواء ملعب فرح ومزاح= ولاكره للهدف بالركل مدفوفه
عفه ثمرها الصيانه مصدر الاصلاح = وعلى اصوله اللقاء وتهيا اظروفه
بيعود من راح مستأنس وللافراح = في انتظارك ولو سافرت للكوفه
الكلمه الصادقه طب لكم ونجاح = وحرف زائد حرف معروفه وموصوفه

منقوووووووووول