10-28-2006, 02:34 PM
|
#1 |
|
حال نشيط
 
|
قصيدة الشاعر المرحوم / احمد بن ابوبكر بن مدوخ
هذه قصيده للمرحوم الشاعر احمد بن بوبكر بن مدوخ بلعبيد ارسلها الى الشاعر بلخير باخضره وقد ورخها تاريخ 4 صفر 1374هــ ولعل اهم مافيه النصايح الدينيه وايضا اركان الحج اللتي ذكرها في القصيده
يالله يامـن لـه التصريـف والـقـدرةيامالـك المـلـك ياحـنـان يامـنـان يامن لـه الامـر والتسبيـح والسخـرةانااحمده ذي القى في كل ساعـة شـآن العبد مملوك في طولـه وفـي قصـره للسيد ذي يرزقه مـن جشـة الامـزان انزل دلايـل تشـوف الضـاو والغـدره والقى البصر والنظر والسمع في ليـذان الـشـرك والـبـغـي والـعــدوان من كفره يازكي العقل خل الزور والبهتان وبالرسالـه محمـد جابـهـا ذخــره وقـام بالحـق قلـل شوكـة الميـزان اعطى وخذ هو والصحابه ساعة الهجرةلما صفي الديـن كلـه كسـر الاوثـان ماتوا على السيف ماحد قد حسب عمره كلن يبـا يدخـل الجنـات فـي عدنـان يا بختهـم بالزخـارف والكسـا الـدره ومن الزبرجد حرير اخضر علـى لبـدان والحور بيضاء كواعب فيهـن الشهـرةمتلبسـات الذهـب واللـول والمرجـان يسقنهم بالهناء وان حـد يبـا خضـره ولحم طير علـى الكوثـر مـلا لحفـان يابخت من قام فرض الصبـح بالبكـره واظهر والعصر والمغـرب مـع لـذان واتى العشاء والسنن مالقى الكسل عذره ووحــد الله بالتسبـيـح ياالانـسـان الحج والصوم من حمده ومـن شكـره وزك مالك وقم بالشـرط فـي الاركـان وبـر فـي والدينـك والتـزم جـبـره ولازم الصبر وارحامك لهـم الاحسـان هذه نصيحـه لـذي يفـرح وذي يكـره ماهي بشي قيم قدها من قديـم ازمـان ذا فصل والهاجس الليلـة زغـر بحـره جانـي منـول عشيـه كسـر السكـان وقال قـم سولـي قهـوه وبـا سمـره وقـت لـه لاتكلـم هاجسـي وحـلان من المحبين بـي هـذا السنـة قصـره من عيد رمضان ما باين علي قـد بـان امسي تحسـى بتفـرا صـدري العبـره ماهي وهومي في الشيبه وفي الغـران وابني في العشق كنه مـن بنـي مـرةوقـال ماعـاد بالكتـب لحـد شيبـان ولا صهـاري ولا بلخـيـر باخـضـره ولا النسابـه ولا راضـي ولا حمسـان وضيعين السنع في خبـت فـي غـدره من فط بالصيـد لمـا قـوز لا جـردان اليوم قدهم خلص في حكـم بـو شتـره ابليس يطبل وهم قرعه علـى الطيـران من صم له قرص برم به قطـب صبـره وقال ذا كـذب وش بايبعـث العظمـان ولا تحسـى لـذي سـواه مـن قطـره وسبـر العافيـه بلجـود لـه سبحـان ياويل من مـا يصلـي لا ضـوا قبـره لاتكمل الذخر وامسى عالثـرى عريـان حتـى الصبـي فـي سعـوف الـقـوم في سكره يقول باحج لاكنه غلب شاحان عاده يبا تمر فـي العطبـوش والخبـره مبعد قنع مـن سريـع نخـل باحنـان شي في قراعه وشي يلقيه فـي ظمـره وامسى يغنـي ولا هـو منهـا قهـدان بتنشـدك يارفيقـي مـن بنـي مــره ومن حساب البضاعه ذي فـي الدكـان وان حد نشد يبـا فتـوى وهـو بصـره ما عذر يا بو حمـد منـك لبـا فتـوان من عود لكسير من سبي الخضر وثـره والياس ناوي لها يبعـد مـن البستـان حد في المكلا وحد فـي سكـة البهـره والشيك ذي بالحوالـه باسـم باكستـان اتفارطوا واعترض في الهرج بـا صـره ورضي بيافع وقام النكـر فـي سيبـان جابوا عشاء احمد عصيده قاصره قتـره قل للصبي يقطب اليسرى علـى ليمـان وبايبين الرشد ان قد حـك فـي صفـره وانه مصفى يقندع بـه غصيـن البـان ذي ذبت العقل والعاشـق مـع الحمـره يشلع حذيه وعاد الصبـح مبعـد بـان من ونت القلب سوت في الكبـد نجـره لما بري اللحم وخلا العظم لـه طيبـان قالوا منينه وحد قـد قـال بـه شبـره ولااعترف ذي بحـال المشتكـي تعبـان صامـوا لنـا يـوم باشعفـور والغـره في الفطر جانا شك ياصحابي وفي شعبان ان كان بن باعنـس مكـن علـى بـره ما عذر من حكم من راسه على العوزان لا صب شتوي وعم الارض من غـزره لاشذرت رايته وبان الشـح فـي الاودان ذا ذي صــدر والمـسـك بـــا ذره ولامعـي شـف للهاجـس وللقيـفـان من حد محمي وفيـه الحـج والعمـره من طاف بالبيت بايبرا مـن الجرحـان من طاف يسعى ويحلق شق من غفـره وباينشـط حمولـه ذي علـى الامتـان على المروه والصفا دفـره قفـا دفـره وبير زمزم مـن الجنـه زغـر معيـان شربه هنيه مـن الكوثـر طهـر نهـره علـى كـل فـج يـروي العطـشـان وعلى الجبل من وقـف باينتحـي وزره لوكـان حتـى ذوبـه تـوزن الفـردان من كل حده تهادر يا حـي مـن عكـره كما جنود الحبيشـي ذي يجـي عمـدان دموعهم مثـل جـود الغيـث عالزبـره بالتلبيه تسمـع اللجـه كمـا الرعـدان يبكـون شيبانهـم والزقـر والـزقـره والحر والعبـد ذي مملـوك والنسـوان ولعاد شي عالجبـل دغجـه ولا هـذره ولافي الحج تسمـع صـوت للشجعـان لا مصـدره يلتبـس واحـد ولا غتـره اقرع مخلس سوى احرمه علـى لبـدان يصبر على الكدم وعالضغطه وعالدفـره لما تقاضى المناسك ذي على الانسـان ويومهـم طـول كلـن ملتـزم صبـره يابخت الاسلام بالوقفـه علـى العـدان وبعـد توحـل بنفسـك ساعـة النفـره ما تلحق الرجل موضع في وطا الوديـان لا روحـوا لا منـى بالرجـم للجمـره حد يدحقونه وحد يـدرج علـى لكفـان يا كـم يسلـم وياكـم ينقصـر شبـره لغـت متخالفـه وتخالفـت الالــوان على الشياطيـن حملـه كلهـم كسـره والشافعـي سوقهـم لازول الـدحـان ثلاث داخل منى يـا حـي مـن حظـره والهدي في المجزره للبـدو والحظـران وبعـد طـوف الافاضـه كلهـم نفـره نحو المدينه عليها نـور مـن سبحـان بين الشبابيك ينفـح مسـك مـن قبـره ابوبراهيـم واصحابـه فـي المـيـدان عمر وعثمان والصديـق فـي عصـره ذي جاهدوا بالقنا والقـوا بهـا محيـان الشهم بالسيف ربـك قـام لـه نصـره لما صفي الديـن كلـه كسـر الاوثـان تاريخ عشرين في الرابع علـى سمـره اربع وسبعيـن يـا ذي تفهـم العنـوان بعـد الثـلاث الميـه والالـف للهجـره لاعاد تحسب خذ التاريخ فـي الديـوان اوفي صلاتي عدد ماطـر نـزل قطـره وعـدد ماسبحـت الالسـن قفـا لـذان على شفيع الخلائـق ساعـة الحسـره امـة محمـد تباشـر بالنبـي عدنـان |
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| صالح في وضع صعب بعد ان فقد المصداقية محليا واقليميا ودوليا | حد من الوادي | سقيفة الأخبار السياسيه | 29 | 08-07-2011 12:28 AM |
| وزارة الدفاع تكشف عن إصابة ثلاثة من أحفاد صالح و11 طياراً في هجوم دار الرئاسة | حد من الوادي | سقيفة الأخبار السياسيه | 1 | 06-13-2011 12:45 AM |
| بدع وجواب محاوره شعريه بين احمد باقديم - حسن باقديم | حسن محمد سالم باقديم | سقيفة عذب القوافي | 9 | 01-23-2011 01:01 AM |
| ارشاد الغشيم الى الصراط المستقيم | حسن البار | سقيفة الحوار الإسلامي | 9 | 07-25-2005 09:16 AM |
| (4)اليمن في عيون سائحة - اليوم الثالث من المكلا الى شبام | شيخ القبايل. | تاريخ وتراث | 4 | 01-20-2002 04:57 PM |
|
|
العرض الشجري