ليله من عمري

[القنّاص]

اشجان بحروفي والحاني شدت = اشدو باهاتي ودمعي والنحيب
ليله من عمري بوجهي اتبسّمت = مااجمل اللقيا والخاطر يطيب
قالت ونا واقف حبك واهمست = اهواك ياخلي قرب مني قريب
ناري من لقياه بردت وانطفت = الزين اعجبني رهيب والله رهيب
انّيت بانفاسي ضاعت وانتهت = بدموع للفرحه لاقاني الحبيب
صمتي سبق همسي نظره ترجمت = نظره لها معنى واحساسي عجيب
ناسف على الايام عدّت واكملت = واحنا مع الاشواق واغياب الحبيب
ودّي انا وياه وسط عين اغمظت = سنتين ماتصحا وسط دمعه اغيب
اهديتها الخفاق ونبضاته هدت = شوقي مع الفرحه وبه روحي تطيب
ليتها ياليت عن حبي درت = من كثر ماحبّيت مسا حالي تعيب
امسي سهير الليل وايامي دنت = السبب بعده وسط قلبي لهيب
حالتي صعبه وآهاتي شكت = فرقاه وللخافق اسهامه تصيب
مسكين من مثلي ايامه غدت = غنوه للذكرى بصوت العندليب
ديوان في العشقه حروفي تقسّمت = بين الرجا والياس حظي والنصيب
عيني جفاها النوم وافكاري سرت = يم الذي حبه مسا عقلي سليب
بفرح اذا طاريه واعلومه طرت = وازعل لا منه في الطاري يغيب
عيدي وميلادي بيوم اتسجّلت = يوم اللقا بالزين من غير الرقيب
ارمي بنظراتي لحين اتوقّفت = ببحور بلا شاطي مجدافي عطيب
ليلة تفارقنا والعين اهملت = دمعات حراقه عاخدودي سكيب
لا يازمن قاسي واهمومي بدت = امسي مع الاحزان والوقت العصيب
همّي مع ظنّي عساها مانست = من قبل ماشيّب وسنيني تشيب