01-19-2008, 08:16 AM | #1 | |||||||
Moderator
|
قصيدة بمناسبة اعدام الريئس صدام حسين للشاعر حسن بانمر
قصيدة بمناسبة اعدام الريئس صدام حسين للشاعر حسن بانمر قصيده للشاعر : حسن بانمر لتحميل القصيدة بصوت الشاعر حسن بانمر من هنـــــا
خو سالم يقول عاني جيتكم للسمـر = قد جيت عاني وباجي كل ساعة وحين مادام عادني قوي العزم ماباعــذر = ومعي حليله وهاجس عادهـم هاويين يهوون صوت المغني لي يشل الكدر = وينسب القلب لضواء من زمانه شطين غنوا ودلوا شطوني والكدر والضجر= لي صابني من زمانـي واهله العايبين لي خلوا السكر الحالي في الحلق قر = والسمن هو والعسل قد ذقتهم قيريـن يارب سالك نصفلي في الخين والبير= لي نكدوا خاطري وخواطـر المسلمين في ليلة العيد ليلة يذبحون النشـر = والناس يضون فرحانيين ومــعيديين في اليوم هذا جاني الى مكاني نفر = سلم علي وحاياني بكف اليميــــن مديت يدي وانا خاطري مسرور سر = ومساهنه يقول يابحمد مـن العايديين من شان بارد على كلام اذا قد صدر = باقول كل عـام وجميع العرب طيبيين كنه سكت وانقلب وجه وزر النظـر = وقلت مالك كذا ياخوي شكلك حـزين الناس في عيد وانته في الباس الغبر= وفرحت العيد في وجهك وراء ماتبيين جوب علي قال يمكن ماوصلك الخبر = جوبتله ايش قلــي بالخبر واليقيين حد مات من جهتني بالبلد وصله شر = قال الخبر ياحسن من مصادر مبعدين أهل العراق اعدموا صدام يابانمـر = ونفذوا حكمهم زمرة بلــيس اللعيين اعدموا صدام في غفلة ولمح البصر = من دون حد في العرب يعلم ولاداريين جابوه بالقيد من سجنه يرص للمقر = جابوه عسكر عراقيين وملـــثميين حد سار خلفه وحد قدام بالقبد جـر= للقاعة لي بها لشرار متواجدييـــن لما قبل قال وتقرب معاد لك مفـر = وجابوا اكلام اثر على الكبد والريييـن كلام مابقدر ننطقه يابوعمـــر = والسب والشتم مايجبونه الوافييـــن مارد على كلامهم ماسك طريقه عبر = ماكان خايف مثيل الناس لي خايفيين شهد وهلل وكبر قال الله اكبــر = قال اعملوا كل ماتبغون يا منفذييـن وابدوا عملهم جريمه قشبة بالشعر = جو بايغطوا عيونه ياحمد والجبييـن قال الغطاء مابغيته زر الحبـل زر = يومه قوي قلب شاجع عينة الشاجغيين وزروا الحبل على حلقه بقوة صبر = والصبرمن ربنا ميـزه في المؤمنيين قالت لهم روح صدام أوقفوا باشحر = لما يكون الملك موجود يالحاضريين وقفة في الحلق لحتى ملكها حضر = من بعد ماقد حضر آمر لها تخرجيين خرجة من الجسم وبقي حيتها كالحجر = القلب قد مات وعروقه هوا ميتين والراس لي بالمعاني ممتلي والفكـر = بالحبل يدرج معلق والعداء فارحين بعد الضحك يوم بايكون وانته ذكـر = ماعذر ماتشوفهم بالحبل متعلقيين مات أنتهى فارس الأمه معدله أثـر = والنجم غيب معد ذلا اربعه زاهرين |
|||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
البيض يعتبر الوحدة كمين تاريخي نصبه له صالح وباتفاق مع صدام حسين لالتهام الجنوب | حد من الوادي | سقيفة الأخبار السياسيه | 6 | 10-01-2009 12:20 AM |
,,,’آآآآآ’’’’’’’ قصة حياه,,,,’’’’’,,,,, | المبتسمه | الســقيفه العـامه | 26 | 07-10-2009 10:45 AM |
تنفيذاً لأوامر رئاسية.. كشف بأسماء المواطنين الين منحت لهم الحكومة أراضي في عدن | هدير الرعد | سقيفة الحوار السياسي | 4 | 05-21-2009 03:17 PM |
|