قالت لي .........تصدّق !!!!!

[عبدالقادر صالح فدعق]

قالت تصدق أصبحت ... أهواك = رغم أني أوعدت نفسي و أقسمت ماعدت بهوى
ماجاني منه تمنيت ... ماجاك = من جور لجراح لي هي من الموت أقسى واردى
قالت تصدق أمسيت ... ألقاك = بصحوي بنومي حتى بخيالي دايم أنا القى
طيوفك تناغش في القلب ... ذكراك = لاجيت بنسى تضحك عيونك بعيوني وأنسى
أني محاله اقدر انا ... أنساك = أكيد أستحاله في حد ينسى نفسه ويبقى
بلا نفس تهوى مثلك ... وتغلاك = لو حتى لحظة وهو العمر ذا كم لحظة وتفنى
كم صرت انا حب غرامك ... ودنياك = واحب الحياة فيك حبي لحياتي لو كنت تدرى
من يوم حلّت أشجاني ... بمرساك = من بعد ماتاه رباني وشراعه تمزق وأمسى
مع الريح يرحل من ذاك ... لاذاك = من بحر جارح الى بحر أعتى منه وأقسى
لكن لقيتك ويازين ... لقياك = الى البر رسا ني لك غرامى لا خير مرسى
ومني تملكت قلبي ... ويفداك = دعني بعيونك في وسط نونك أنعم و أحيى
مادام قلبي أبتلاني ... و بلواك = أني هويتك من غير شوري بالله تكفى
لو يوم شوقى بالشوق ... ناداك = بالله لبي منه ندائه لو يوم نادا