ياهاجسي

[يسلم باكتيفه العكبري]

[poem=font=",6,,normal,normal" Bkcolor="[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
transparent" Bkimage="http://www.alshibami.net/saqifa//mwaextraedit2/backgrounds/15.gif" Border="none,1,white" Type=0 Line=0 Align=right Use=ex Num="0,black""]
ياهاجسي شل القلم واكتب على الصفحه وعبر= واكتب قصايد مفعمه بالشعر من فوق السطور= والفكر بيغذيك من عنده بكل معنى معبر= له طعم عند المستمع راقي وله نفحة زهور= وطرز الفكره ولبسها بثوب العز لحمر = وغوص بحر الشعر طلع لول من وسط البحور = وحط في جيد القصيده عقد من لولو وجوهر = يلمع ويتلالاويشرق منها كل بيت نور = خل القصايد تبتهج دايم من افكارك وتستر = خل الامل باقي وبعد الهم بيجيك السرور = واصل على مركب لمل لتقول مجدافي تكسر = ارضك غنيه بلمعاني لاتظن الارض بور = لكنني حذرك ياهاجسي ليجي يوم تغتر = ياكم مواهب واجده لكن يدفنها الغرور = خلك معي لتسيبني في بردها ون كان حر= بصحبتك ومخوتك ياهاجسي شفنا فخور = خلك معي بلزور كم قريه وكم وادي وبندر = وغذني ببيات موزونه ولا فيها قصور = ون قد دعيتك لب مبغيتك على الواجب تاخر = هتلي من اجزال المعاني ابيات مافيها كسور = ابغاك تتغزل في الزينات لي فلواد لخضر = لي منهن كمن معذب فلهوا حسه يدور = مازال قلبي مبتلى في عشقهن في كل مسمر = بنات حوا منهن كمن ضوا وسط القبور = هن السبب في كل ماعاناه بن شداد عنتر = وبن الملوح كم تعذب قبل في سابق عصور = عيونهن مثل السهام الحارقه تنفذ وتعبر = تعبر لوسط القلب ماتحتاج شي رخصة عبور = وعندهن مشروب حالي من عسل صافي وكوثر = من شرب منه يجيه الانس ويجيه الحبور= هن الهوا الغلاب منه قول ياستار تستر= كل من بلي به بيتعذب في سنينه والشهور = لو قد صفي له يوم واسقاه المحب كاسات سكر = بعده يذوق المر والايام تتقلب تدور = محلى اللقا لقد القمر علكون بنواره منور = كلين يتسامر مع خله الى وقت السحور = مابينهم حاسد ولاشاني في السمره بيحضر = تمتد مابين القلوب العاشقه اقوى الجسور = ويعزفون انغام حلوه منها كل بال يستر = وكل دقبقه بينهم تسوى لها عشره شهور = وختمها ياهاجسي دون بكل صفحه = دون قصايد نابضه بلشعر من صدق الشعور