للمره الثانيه

[سبع الليل]

يقول بوجمعان لحم الديك مامنه مرق=يا هل السكاكين الكبيره عبروها عالخروف
الحم في الخرفان ماهو في الدياكه يالسرق=كل من لقاء سكين يذبح في ركيكات الوصوف
بطره وسكره في قلال الخبر وعيال الحرق=لي سرقوا المصبوب قدامي وانا عيني تشوف
يالوم يالوماه يوم الباب مايحوى الغلق=من كثر لي شفناه ماغمضت عيوني والدفوف
وين الذي هم طبعوا الدينار وقعوا في الغرق=وين ذيلاك القواسم لي يعزين السقوف
وين المشايخ والقبايل لي لهم كلمه وحق=نحن بغينا الصدق يكفي والنقط فوق الحروف
وان كانها الا بلبله وسط المحالس والضيق=ضعنا وضيعنا مكان الحبح لي فيه القروف
لبسوا حرير الهند ماذلحين فسحوا في الخرق=حتى العمايم ما بغوها علقوهن في الرفوف
وان جيت تتخبر بغيت الختم مثنات الورق= قالوا دفع رشوه لمولاء الختم في وسط الزروف
وان جيت باتبني وباتحفظ موالك من سرق=دخلوا عليك الدار في الغدراء يحملون السيوف
وان رحت تشكي دخلوك السجن وسقوك العلق=والطقم جاهز طرف العدي دفعها بالالوف
وان مامعك شي مقدره العسكري صابه حنق=ياخس عساكر حسف ملقين الرتب علكتوف
كله من السلطان والدوله ومن مولاء عتق=هم ايدوا الوحده ودخلوا بالبنادق في الصفوف
والفايده ماحصلوها شلها ولد الحزق=طلعوا من المولد بلا حكص يحملون الظروف
وتندموا ماليوم عاشوا في الندامه والقلق=كلين يتشوف قداء الثاني ولعور مايشوف
يسمع وهو ساكت وجوفه نار والقلب احترق=ولعاد بايهذف وهي بطنه ملانه بالصروف
اكبر عليكم ياقلال الخير يادغشت سلق=يالي فتحتوا باب للفتنه وتميتوا وقوق
الباب ماباينقلد وتوسعت فيه الحلق=يلعب مع نفسه بلا داير يحذف بالقصوف
والعلم عند الله ربي لي خلقنا من علق=والفرض واجب من دخل مكه على الكعبخ يطوف
والختم صلو على النبي مولاء الرساله لي صدق=الف صلاة الله على المختار سيدنا الروؤف