08-21-2008, 01:40 PM
|
#1 |
|
حال نشيط
 
|
يالحضرمي دوب وقتك في السفر تعبان
""]
هذه قصيدة للشاعر بوسراجين يشرح فيها معاناة الجيل الثاني من المغتربين الحضارم
يالحضرمي دوب وقتك في السفر تعبان= [/poem][/poem]هذ من ستينات القرن العشرين وعاد صنعة اليابان كما صنعة الصين وتايوان في وقتنا الحاضر .
ذافصل سمعوا كلامي يابني حضرم = كمين واحد سافر ضاع وتهيم ولعاد لحقو خبر منه ألما الآن= سنين تعبر وهو طاير مثيل الطير = من ارض لا ارض يتنقل يدور خير عبرت حياته ولا شي فصل عنده بان= ثلثين في الشعب لي هو هام وتشرد = باقي ثلث والثلث مضغوط ومهدد ويفرحونه ألما تحي شركة بان= حد في السواحل يضلي يكد بالمعرص = وحد بجده مثيل الذيب يتقنص وحد لقى بيع وشرا في حطب ولبان= وحد بأرض الحبش عالحم واكل القات = لا قلت له بت بلادك قال مانا بات مافاطن إلا التعب والجوع من رمضان = ومن تحصل على متجر وقع رجال = معاد يرمي قفا ظهره ربع في المال ويقول ذا للوطن ينفع لتالي زمان= شفت الذي هاجروا في جاوه الخضره = الألف في الضيق ما صفا لهم عشره نفعهم إلا الوطن وخلوفة الشيبان= وفي مقديشو شفتو لي جرى بالعين = راحوا ضحية من أعيال العرب إلفين من غير ليهو وقع في ارض باكستان= هذي حياة الحضارم لي في المهجر = وانك مكذب نشد من بعد وتخبر ولعاد في الهرج شي زايد ولا نقصان= يالحضرمي مد يدك للوطن وانفع = وخلها ذخر لك ماعذر ما ترجع شفها تنادي على الشيبة وعالشبان= تنسى بلادك وتعمر في بلاد الناس = ومنها يابني حضرم قطعت اليأس ذا بالعمد منك أو قول ذا نسيان= سنتين تعبر ولا يحصل مية دينار = شي منها خرج والباقي كراء للدار ولعاد شي زاد لو بايشتري قمصان= والبرد وصل بغى له كوت ودشاديش = بغى مقاضي كثيرة والبقش ما فيش ولا معه حال للندوة ولا البردات= وغلق البرد يالله عاد باقي الحر = قم شد باسك دخل للسوق وتعكر عشرين دينار مافيها عوض بردان= معاش حق شهر باسم الحر قد غلق = شي في الكواتع وشي صبنه ومعلق وصاحب الدار ماشي زاد له ضبحان= نفسه كبيره فسح من صنعة اليابان= وعاد أهله يآذونه بغوا مصروف = انه من أهل الشرف والعز والمعروف خلى رسائله من شعبان لا شعبان= يمسي مسيكين في صبوه وفي همره = والشهر غلق وهو صره قفا صره إيجار والخرج وبغى قوت للسقلان= يسرح من الصبح يافتاح يامطلوب = عاسندويشه يأكلها وهو مغصوب يصبر إلى الظهر لا كولا ولا دخان= مايفرح إلا إذا دقت الوحده = يخرج من الدائرة ويحكم الشرده الظهر أذن وهو مايسمع الآذان= يدخل إلى البيت يتغذى خلاط القوم = وإذا تغذى فرش فرشه دكى عالنوم كل من دخل عندهم بايقول ذا رمضان= والعصر روح ألما السوق يتدرج = = يفرح القلب مثل الناس يتفرج به ضيق خاطر وبه كربه وحاله ملان= ومن تركب على شغله وهو مرتاح = روح من العصر يتدرج كما التمساح تقول ذا عسكري من عسكر السلطان= نافش من الدار لما تضرب الثنتين = للسينما والملاهي شل دينارين وهناك منزله بلا خلفه ولابيبان= وان جيت تنصحه حق خوه وحق معروف = تقول دلحين باحصل ثنينه كفوف وتشوف وجهه حمر وتقول من إيران= حد قع عماني وحد شوفه وقع مهري = وبعد سنتين يرجع ياعوض يمني وآخر الوقت وقع عجمي من العجمان= لما متى باتشوف الحضرمي مبسوط = إذا صرف نوط بايحصل بديله نوط تعبر حياته وهو مرتاح في الأوطان= من بعد هذا التعب جد للسفر بايسير = ودخل إلى السوق بايوخذ ذهب وحرير بايفرح الأهل وعياله مع الجيران= الجهد خلص وعاده ماطلع في الميل = الناس ناموا وهو سهران طول الليل وآخر الليل يتعود من الشيطان= لانشد عالباخره قالوا صبر ماجات = جالس بلا شغل مصروفه عشر روبيات يدور من دايره لادايره وحلان= وعطوه شهرين رخصه داخل الفيزه = والتذكرة خرجوها له معازيبه حياهم الله ذكروا الجود والإحسان= من يوم يطلع في المركب وهو مهموم = يهمر بلاده لأنه ماوقع صمصوم عبرت حياته وهو داوي كما السكران= وصل الما المكلا عشقوا له البوت = وكل واحد فتح إثمه مثيل الحوت قالوا بغينا على قشك مية حنان= ونزل إلى الأرض وتفاهم مع الحراس = قالوا تعال لاهنا سلم عشور الرأس سبعه شلن باتسلمها لبن نبهان= سلم طلبهم وبت يدور على الحمال = دق في المقدم لقى نفسه كما الدلال وقال آنست لاياخاتم سليمان= سلم ثلاثين حق الفرش والصندوق = واسمع كلامي وفك منك عيال السوق شفنا مقدم ولي كلمه كما السلطان= وراح عند المعشر داخل الجمرك = وريضوا العفش قالوا له خرج بانصك والوعد بكره دخل منصيبة الجرذان= والصبح وصلوا وكشفوا حاله المستور = ورجعوا العفش شي صالح وشي مكسور وان تكلمت لقوا سخف وتمنان= وأعطوه ورقه وقالوا له دفع سبعين = وان قلت له خاف ربك شوفنا مسكين تشوف وجهه عليك يطلع لوان لوان= وخرجوا الفرش والصندوق لا برع = جاك الدريول بيده سيف يتبرع وقال يالله طرح قشك عليه ألمان= النول كم باتشلنا للغيل = إنا وفرشي وصندوقي وبالله ليل وفال سلم ميه والعشر لك نقصان= وصلت للغيل عشق تحت باب الدار = آنست ورحبت شف نحن هنا طيار نزل ودخل وذا عشرين للقبعان= جاب الهدية يقسم من ثلاثة وار = وزيد الراعية ليهي عليها البار وجاب قشره ذهب بايشتعق فرحان= قالوا له البز هذا عندنا عادي = أنت بوادي وخلق الله في وادي ظهرت نوامين زينه عند حمد جوبان= خرج مسيكين لما السوق يشكع = مصموخ مقهور لايسمع ولايرجع كل ما صرف له ميه راحت عليه دخان= هذي الهدية ثمنها بايقع ألفين = شي رأس مالي وشي جبته علي دين وفوق ذا عاد حد راضي وحد حنقان= جبت الهدية ومقصودي نفرحهم = حصلت لي سب واشتقيت جم منهم ويش باقول ذا أهلي وذا جيران= لاخذت نخله ولاسويت شي في الدار = ولا تجملت في أهلي ولا في الجار الجهد كله وقع له ياعوض كن كان= شهرين عبرت ونا والدار في سكره = هت رز وحواج هت سمن هت جبره وهت حمولة حطب وقيال للسقلان= ياريت فوق التعب ذا عاد شي راحة = على القطف والجوادر فوق طراحه ونبات في أنس لما يأذن الآذان= ربك يعوض صبر يالحضرمي عالجور = الدور ذا طش وتولم لثاني دور سافر إلى ارض فيها اللول والمرجان= ونهار باتسير مايقولون حيا بك = ولعاد حد منهم ينشد على حالك الجيد من جاب لك حنه ملا فنجان= من بعد شهرين جد العزم بايسافر = وقال قلبي تعكر مامعي خاطر ولعاد بجلس على القاويل والخرطان= الجهد غلق وهو المسكين ماتجمل = وضاقت الأرض عنده سار وتوكل ينشد على باخبازي وهو وبن سبهان= فكر وصنف وقال الزقر باشله = وقالت الأم عاده مابلغ حله عاده صغير بغى له ست وإلا ثمان= وقال خليه يتخرج يقع رجال = بايشوف شي لا على الخاطر ولا عالبال الصبر منش وخلي خاطرش ميدان= يوم السفر خاطر الرجال يتعكس = والأم تبكي وهو المسكين يتنهس وسار مسكين وتوكل على الرحمن= توخذ سنه كاملة تبكي عليه وتنوح = من بعد مايسير يبقى قلبها مجروح بعد السنة ينتسي وكأن شي ماكان= طلعوا السفينة دخل في الفرش وتكلوس = ساعات يبكي وساعات ياعوض ينعس كمين وقعه عليه تعبر وهو جوعان= يارب لطفك على هذا الصبي المسكين = فارق وطانه وعمره بن ثمان سنين يلعب به اللنش فوق الموج والطوفان= وان جيت باتحقق المعنى وباتفهم = وباتباحثه باتحصله ماتعلم ماراح إلى القاهرة يدرس ولا لبنان= عقب رجولك وخذ سنتين عند اهلك = وان كان لك رزق هو بايجيك لا عندك الخير والشر بيد الواحد المنان= سافرت وأنت صغير بن ثمان سنين = واليوم عدى شبابك قدك في الستين لان القسي وأنت عظمك كيف له مالان= وقال ماباجلس ناضاري النفشه = ضاري السريات شفنا هي ويالغبشه وباقي العمر شفنا باقضي به شان= يارب عز الحضارم في منازلهم = وارحم عبيدك لأن ماشي عمل منهم يارب لطفك على الأطفال والشيبان= يالحضرمي خاف ربك قوم وتكلم = نظم معاشك مثيل الناس وتقدم دافع عن النفس لاتسكت كما الفزعان= يالحضرمي خاف ربك لامتى باتقوم = الناس رجعوا ظلم مايرحموا المظلوم تصبر على الظلم وأنت من بني قحطان= نظم صفوفك وطالب بالذي تبغاه = قل ذا بغيته وقل هذاك مانبغاه وذا كلامه سوى ريض وذا غلطان= أرضك غنية وفيها التبر والبترول = وأنت مهيم في ألغربه كذا معزول حد بأرض جاوه وحد في ارض باكستان= |
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حكم السفر لزيارة قبر النبي صلى الله عليه وسلم | الحضرمي التريمي | السقيفه الرمضانيه | 0 | 08-25-2009 10:02 PM |
| سنــة مهجــورة (الصلاة في المسجد عند الرجوع من السفر) | الدور القبلي | سقيفة الحوار الإسلامي | 5 | 07-25-2009 11:38 PM |
| آداب السفــــر | الدور القبلي | الكاميرا الحضرميه | 1 | 06-19-2009 06:10 PM |
| درس في آداب السفر | ابن سيناء | سقيفة الحوار الإسلامي | 0 | 05-17-2009 05:28 PM |
|
|
العرض الشجري