عاشــــــــــــــــــــــــــور في مهب الريح

[القنّاص]

ماجاك ياعاشور من خائن العشره = خانك ويستاهل عالقلب تعشيره
باع الذهب صافي باعه بقيمة عشير = ان هكذا دامت لاترتجي شي خير
*****=
مصروفك الصافي والهيل والجبره = والساق به كسرين بادر بتجبيره
كم كسر في جسمك مافاده التجبير = ان هكذا دامت لاترتجي شي خير
*****=
العيب فيك العيب سهمك نزل سعره = في السوق ياعاشور مقيّد بتسعيره
انته السبب انته في القيد والتسعير = ان هكذا دامت لاترتجي شي خير
*****=
لاتذكر المقبور فات انقضا عمره = والحصن من ساسه تبدا بتعميره
دار الجبل دالت يبغا لها تعمير = ان هكذا دامت لاترتجي شي خير
*****=
عايش على اوهام والجهل والكبره = يبدا صغير الوهم تحرص بتكبيره
ضاع الامل منك عاراسه التكبير = ان هكذا دامت لاترتجي شي خير
*****=
عدا زمان الرمح والسيف والشفره = فكرك خلاص اليوم معروف تشفيره
بيده رقام السر والعلم والتشفير = ان هكذا دامت لاترتجي شي خير
*****=
عالصوت كم سالي بايحكم الكسره = والعظم عاصوتك ناوي بتكسيره
وقت السلا عظمه ماهمه التكسير = ان هكذا دامت لاترتجي شي خير
*****=
ياناصف المظلوم ياصاحب القدره = يامالك التصريف والكون وتقديره
لطفك مع عفوك في ساعة التقدير = ان هكذا دامت لاترتجي شي خير