^~~^ ! شــئ غـريـب ! ^~~^

[ابوهاني1]

Weekend gift

^~~~^ !! شــئ غــريــب !! ^~~~^

ليش ياخلي تخلي صادق الإحساس يزعل=وانته إبروحك تصدر قائمة همسه وذاته
ليتك إتفكر شوي وقبل لا تظلمه تسأل=وليت لك علمٍ(ن) مأكد في مزاياه وصفاته
وليت لك مره زياره لجل تعرف وش تبدل=كنت بالأول غلاه وصرت ملجاه وغناته
وكنت اجمل لحن يطرب ذائقة فنه ويرحل =بالخيال لجو راقي وصرت فارس اغنياته
وامتلكته بالرِضى والطيب والإخلاص مُحتل=كيفه العالي ومصدر كهربته وذبذباته
وصرت تجري فيه مجرى الدم بأعماقه توغل=تعتلي قمة صفاه وترتوي من كُرياته
ولا بغيت إتروح تلقا معركه جواه تشعل =تحبس انفاسه تأثر في رجاه وامنياته
في غيابك يصبح الإحساس متدهور ومُختل=وفي حضورك ترتقي موجة سعادته وغلاته
يا وليفي يا بعد كل الخلايق ليش تبخل=بالمشاعر في زمانٍ(ن) صعب تتوحد جهاته
(شي غريب)اشلون يامن تغلي الأحباب تقبل=تجرح إقليبٍ(ن)بعد ماصرت له سترة نجاته
وبعد ما اصبح بدونك تايهٍ(ن) مرتاع واعزل =ما بقى إلا انك تحرى يوم مرثية وفاته
قلب واحساس ٍ بليا طلتك صاير مبهذل=فاقد التركيز كنه وسط دوامة شتاته
عايش إبكومه ومُتعب حيل بالأحزان مُثقل=ولا صحى يشبه كفيف ٍ ضايعه منه عصاته
عقب هذا يا وليفي ملتقانا دوم افضل=من تنافر ما وراه إلا معاناة وشماته
ونجعل اللقيا تجسد عيد وجداني ومحفل=يملأ الدنيا ورود ويشرح الخاطر نباته
والغصون اللي بها الأشواك تتمايل وتذبل=والأمل ترجع تنور ساحة اللقيا سماته
وفي النهايه اعرف انك الوحيد اللي تمثل =للفؤاد اجمل محطه نورت شمعة حياته

وســـــلامـتـكــــم

إسـتـــراحــه :
http://up.iraqmaster.net/up1/0609a_2710.mp3

:
: