غزة تصيح

[علي بن طالب الحامد]

يالله زلزلها عروش الكفر والناس الكذب=واحكم عليهم يا آلهي كلبوهم بالزوال
غزة تصيح اليوم من كثر الحرايق واللهب=وتقول نقذوني ولاكن ما سمعتوا للمقال
أربع ميه ماتوا وهم شهدا و باللوح انكتب=والضعف صابوهم وكلن قطعوا لحمه وصال
وين البلاجيك الطويله؟وينها جيوش العرب؟=وين المدافع؟ وينها القوات؟ ضني بالظلال!
ياقادت الامه عليكم فوق كرسي العرش رب=ينظر اليكم ثم يمقتكم الهي ذو الجلال
هنتوا على اهل الارض حتى ضامكم من هب ودب=وتضيمكم صهيون وتغير عليكم كل حال
ماشي على الخاين حشى والله لاماشي عتب=وتبصق الامه على كل شخص خائن بالتفال
حتى الدواء حسني غلب يدخل الى غزه غلب=ويفتح المعبر وخلق الله تون والحبس طال
ما تخاف من ربك وشعبك تفتح المعبر طلب=القتل في غزه وعندك وسط قصرك احتفال!
ابو الغيط يالكذاب ما تخجل وقليل الادب=انته وليفني با يقع لك دوس بأطراف النعال
وينه صلاح الدين في قلبه ع الامه عتب=يالله بمثله صابت الامه رزايا هم ثقال
والختم صلوا ع النبي طه عدد مالغيث صب=اسقى شرج جم مسنته واندر مع المسيال سال
والآل والصحبة رفيعين المراتب والنسب=ومن تبعهم في خطاهم صدق وبكل الخصال

آمل ان تنال رضاكم
هذا ماقدرنا عليه ,
والى الله المشتكي ,
وهو خير الناصرين.
((اللهم انصر اخوتنا في غزه حين قل الناصر وإلطف بهم آميــــــــن))
محبكم ابوطالب