02-09-2009, 10:57 PM | #1 | ||||||
شاعر السقيفه
|
ـــــــــــــــ ضاع الوفاء ــــــــــــــــ
ـــــــــــــــ ضاع الوفاء ــــــــــــــــ يامن بسطت الارض وأخلقت البشر=يامن رفعت السبع واخلقت الطيور ياخالق الحيوان وانشأت الشجر=والعالم المجهول بأعماق البحور يامن جعلت الشمس رحمه للقمر=لولا شعاع الشمس مايشرق بنور والجن يتشكل خلقته في صور=بأشكال مختلفه تقشب باالشعور أطلبك يابلجود مدات النظر=واتعوذك من هول لزات القبور يامرتجا للعبد في بحر(ن) وبر=ياكافل الارزاق لايوم النشور تمحي خطايانا وماعدا ومر=يالحق يالمعبود يالرب الغفور ومن هنا بازر حبل القول زر= باقول كلمه خاليه من كل زور مادامني عا صح باني باالحجر=لو من صباح الله يصب لما الصفور بؤخذ من الدنياء دروسي والعبر=قادر في اصعب وقت عا شق العبور أيقول خو الاثنين غازي بن عمر=كبدي من الحاصل في الدنياء تفور ساكت ولاتكلمت في كل ماعبر=وأشياء كثيره جم في راسي تدور وصبرت جم ماحد كما صبري صبر=لمان قال الصب ذا باطل وجور وتعبت وتكلفت لي هو مايسر=وأقعد وانا اتصبب عرق وسط الحرور والمُرقد ذقته وذقت اللي امر=منه وشفت الجعث في كل الامور لاكنني باخالط السبع القور=بابين الخافي وماهو في الصدور باخلي العين المصابه بالعور=تظهر لها حاجات عجزت عا الظهور والاذن لي صقعت من اسباب الصور=تسمع دوي رعدان عا مسقط وصور وبعد ذا بعزف على حس الوتر=بادق باب القول لي يشكي فتور قد لي زمن ماقول شي حب الحذر=حاذر واتصدد وصابر عا القهور وأن شفت شي منكور غضيت البصر= وان قد سمعت الشين كابر قع صبور ماحب بما سوي تباها وافتخر=واكذب ورد النجم لابدر البدور في دمي التقدير قدر من حظر=ماعندي التمييز مابين الحظور واشكر جميع الناس واللي ماشكر=احرص على شكره ولو ماهو شكور واتجاوز التقصير عا كل من قصر=ماقول ذا طبعه وعادته القصور والجود والمعروف في نفسي ثمر=ما انساه وان طالت سنيني والشهور ماحب تمدح في المسامر والسمر=حصني علي يشتاف من خمسه قصور ان قلت كان القول مني مختصر=وأعرف متى الغربان سميهن صقور ماشي في الدنياء تبين واحتزر=كل سيل في المسيال له سبعه حزور حتى الذي ماله جنح حلق وفر= والثعل قد له راس مابين النمور والكسر لي في العظم يصقع ماجبر=وش عاد لاذا العظم به عدة كسور باقولها من صوب في جنبي نفر=مجروح من دنياء التباهي والغرور ضاعت بنا حتى البصيره والبصر=والعقل والمعقول نذته العكور ضاعت مبادي ما لها باقي اثر= فينا وجم عادات تتلاشا تغور ضاع الوفاء يامدعي به واندثر=وأصبح مكانه كره يغلي في النحور من بعد ذاك النور ندحق في الغدر= ولعاد شي نشده على امات الجرور الوقت متغير من أهله لي غير= ولعاد حد باقي على العزه غيور لاقلت هذا ضار جا لخري اضر=هذا لذا قلبه معبا باالشرور كل من لسانه فوت روعه قد بدر=لي يصنع الحجه وهي في لأصل زور والناس تتضامن معه في خير شر=وان قال شي ينقال له ياخير شور ما كنه الا الماس هرجه والدرر=او نسمة العليا تهب بعد الكهور أما الذي ماله سنع بأهل الضرر=لي يحترم كلمته يوفي با النذور كل من يشوفه قال له الله كبر= كنه يشوف ابليس متعصر بسور تحسبه باأسبابه منع قطر المطر=او كنه الا من يحرض عا السفور الناس من اجل المصالح بالعصر=يتماسكو شيبان من غير الزقور وأن قد دعا كلاً يلبي ما أعتذر=عا لي معه.أما المقل سبه عذور هم لي يخلونه بهم يلقي البطر=لي هم يهينو نفس عا فقره وكور وين الوعول اللي تناطه باالعجر=لي هي تفلق في جلاميد الصخور من لانجح موسمه ما يملي الوصر=يصبح يدور ذري في مشطه وبور يا لي بقرب والعطف تبنا باالمدر= لاتهمر الرزحه وعرّاض الحسور من قبل ماترجع خلي مالك مقر= تكدم على راسك وتقظم عالظفور ماحد يسقف دار من عود العشر=ويقوم يترزح على شرح الحجور لاثارت الشاره تقع فيها غرر=لابان نبر الخصب في المنشي يثور لو كنت ماتدري نشد بين النجر=عود العشر معروف ما هو بالعشور العود عود العلب يعجب عا الستر=والق السواري حمر لاتلقي جدور ما للذي يفرت رماد الا السمر=لي هو يرد الحس لاحسك يدور من به وجع في الظهر لا يضرب لأبر= قذعه ويتعافى من أوجاع الظهور ماشي على حسب العوايد استقر= كل شي تغير في معايير العصور لاجيت باتبعد يداهمك الكدر=ويصلك لادارك وينقح عا الفقور ياالعين ماشي فود من طول السهر=ضاقت مسارات المسرة والسرور تحيات /غازي عمر بن مهناء
|
||||||
التعديل الأخير تم بواسطة غازي عمر بن مهناء ; 02-09-2009 الساعة 11:27 PM |
|||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اهل الوفاء | عبد الرحمن الحضرمي | سقيفة الترحيب | 7 | 11-21-2009 07:47 PM |
الوفاء | اسير الغربه الكثيري | سقيفة عذب القوافي | 2 | 11-05-2009 05:33 AM |
ـــــــــــــــ بعد ماملك الخاطر ــــــــــــــــــ | غازي عمر بن مهناء | سقيفة عذب القوافي | 14 | 10-21-2009 11:30 AM |
مهرجان الوفاء للشهداء يحييه المجلس الوطني الأعلى للتحرير في الضالع | صقرالشوامخ | سقيفة الحوار السياسي | 0 | 09-12-2009 03:00 AM |
ـــــــــــــــ زرني وكمل جميلك ــــــــــــــــ | غازي عمر بن مهناء | سقيفة عذب القوافي | 21 | 05-05-2009 05:26 AM |
|