أبو الوجهين!!!

[الماسه*]

قال رسول الله صلى الله عليه وسلم ((لعن الله ذو الوجهين)) او كما قال صدق رسول الله..
سأترككم مع قصيدتي هذه التي تعبر من خلال ابياتها عما جال في خاطري حين كتابتها وارجو ان ترقى الى مستوى ذائقتكم

يلعن ابوه الوجه بـو وجهيـن=اللي تلون مثـل جلـد الحيـه
يأتي بوجـه وظاهـره الزيـن=يخفي نفاق القلب فـي سريـه
يضحك بوجهك بس قلبه شيـن=يضمر لك الحقد ونفس شريـه
ويـود لـو يطعنـك بالسكيـن=ينوي لك بنيـات شـر النيـه
إن شاف في ايدك ثمار التيـن=تحسدك عينه فيـك شيطانيـه
حط القنـاع واشعـل البنزيـن=واحرق غلال البُـر والشاميـه
وبعد ذاك يجيك يبكـي ليـن=أتصدق انـه مخلـص بحنيـه
يضرب من الحسره على الكفين=يلعن ابو الحسـاد والحشريـه
ماتدري ان القلب فـي غليـن=يحفر لك الحفره بيـد وحشيـه
لاتستمع لـو يحلفـوا بالديـن=ابليس هو في خلقـة البشريـه
والمستحيل انه لاخـوه يعيـن=بل بالشماته صبحتـه وعشيـه
ياخس ذاك الوجه ابو وجهيـن=من مايخـاف آيـات ربانيـه
حدد مصيره أسفـل السفليـن=في نار تلهب في الدرك مصليه