شكر وتقدير

[بونواس]

ذلحين بسم الله باشارك بشي في المنتدى= من شان ماتقولون بونواس عاصحابه بخيل
واتحملوني لانني اول بدايه بابدى =والله مانعرف اصول الدوط كم والهوتميل
لكن بو جمعان ناداني ولبية الندى =والفضل له من حسن نيه دلني خط السبيل
مشكور ماقصر تعب نفسه تكتف واعتنى=لانني صنفه من اهل المروه والجميل
قولوا لبو جمعن عاذالساس شفني بابنى=وانته معلم في سقيفتنا ونا عندك قبيل
يوم السقيفه عامره باهل الهواجس والغنى=الذيب والمري وخالد شرعهم دايم طويل
والعفو لاقد خانني التعبير او هجسي نسى=حد منكم ياهل السقيفه قدركم ماهو قليل
مقداركم عندي مثيل التاج عالراس اعتلى=والا مثيل اوسام فوق الصدر عندي مايميل
فرصه سعيده في امان الله ومع الملتقى =ان شاء الله بانلتقي في خير عالشعر الاصيل
والختم باصلي وباسلم على نور الهدى =والهل والاصحب ذي نصروه في الزام الدويل