( قصيده عزاء من الشاعر ابو نواف مرسله لعمه )

[مجمل]

هذه القصيده من الشاعر صالح بن يسلم بن صالح باتيس ( ابونواف ) مرسله عزاء في وفاة ابن عمه ماجد بن سالمين بن عوض باتيس الله يرحمه ويسكنه واسع جناته
القصيده ارسلت الى البلاد لعمه سالمين والى اخوان الفقيد في البلاد والسعوديه ان لله وان اليه راجعون

حبيت نقلها لكم

يقول بونواف

ببدي القول بلي فوق عرشه معظم = خالق الكون لعظم معتلي في سماه
بيده الحكم في المخلوق يحكم ويرسم = ذي فرض ع عباده صومهم والصلاه
رب بسالك تغفر ذنبي اللي تقدم = لا تقصر بعمري خلني في الحياه
خلني ابكي ضنيني راح مبعد تنعم = في حياته بسرعه جاه موته خذاه
قال باتيس صالح طول وقتي تندم = ع الذي وسط قلبي له معزه وجاه
راح بو صقر خلاني لحالي مهيم = في دموعي ودمعي كم وادي سقاه
اه ع حصن شامخ معتلي قد تهدم = محكم الساس تسلم يد من هو بناه
مابغيناك تتهدم وتصقط وتعدم = كن تقدير ربك لي اراده لقاه
ريته الموت شاور كاني باتقدم = باعطيه الجسد والقلب روحي فداه
مات حسفه علينا مانزف قطرة الدم = مات في عز شبابه مابلغ مشتهاه
رب تجعله في الفردوس يهنى وينعم = تجعل الحور جنبه يسكنن في حماه
عان اهله وربعه كان ع الجرح بلسم = بعد ماراح جرحي صعب تلحق دواه
رب صبره بو محسن على فقد لدهم = فارس الهيج ماجد ماخلق حد كماه
كيف بيعيش اخوانه بدون المخضرم = لي تربي معاهم ع الكرم من صباه
الاساءو التعازي لك وياعم تسلم = تسلم العين ذي تذرف باغلى مياه
وبو حسين الذي في الضيق يوقف ويهتم = احتكم للقدر لما سمع بلوفاه
والعزى بلغه بو ياسر الجيد لشهم = ذي على كل مصيبه يحمده في سماه
واحمد الله ياصالاح وحذرك تهييم = في بحور الحزن ياكم وكم شخص تاه
والبقيه بعمرك ياعمر لا تندم = القدر انكتب ولعاد منه بداه
ياحسن ياحسن الله بلحال يعلم = مات بو صقر لاكن قلب صالح حواه
والضجر والكدر فلبيت عشش وخيم = بعد ماراح ماجد قلب خالد كواه
انكدر خاطري يومه محمد تالم = غاب حسه وانا مادري وش اللي بلاه
قالي مات ماجد قلت له انت تحلم = كيف بايموت ماداموا خوانه معاه