(( الشك ))

[شاعرة الجنوب]

الثقه ساس الموده في الغلا بينك وبيني

لو دخل شكك بقلبك يالغلا صرحه تهدّم

لاهني زادي ولا ني بالمسا مرقد يجيني

زود خذ قلبي هديه زدت بالمهجه تحكّم

ياغريم الشوق مهلك انت حكمك مو بديني

شوف ذا بعد المسافه بالغلا قام وتكلّم

ليت شوفك ياوليفي بالهوى حطك بعيني

كنت شيلك في عيوني آه كم عاني تألمّ

من بعادك صار ليلي بالعنا كله حنيني

سيف ذا الفرقا وحدّه صار من بعدك مثلّم

راح عمري في انتظارك دوم نا حالي سهيني

وانت ماترحم تجيني قد مسى دربي مظلمّ

روف واشفق بالمولع منتظر لو كلمتيني

منتظر منك حنانك منتظر ضربة معلّمّ

لو هنا ليله حبيبي ارتجي حبك قريني

هي تساوي العمر كله لي مضى وانا مسلّمّ

لو على عمري تركته لك فدا عمرك رهيني

لو تبا خذني بكلي لو على عيسك محكمّ

بالأمر طايع وخاضع زود باك انته عويني

لو على طبع الرجوله منك لو ابغا توسّم

وسلامتكم

بقلم : شاعرة الجنوب -- الخنساء