عزاء في وفاة محمدبن سالم باتيس

[ابن_اليمن]

هذه القصيده لـ محمد عبدالله سالم باتيس وهي مجاراه لقصيده
سالم عمرباتيس في رثا محمد بن سالم بن عبدالله باتيس(غفرالله له)

قصيدة سالم عمر

ابد يت بك ياذي عليك المتكل=يافرد يامعبود يانعم الوكيل
اغغفر وسامح في التجاوز والزلل= وثبت اقدامي وخلقك في زويل
عجيب يالهاجس واناسهران هـل=وجاب لي قهوة بلا سنكر وهيـل
ماهو كذ ا تلقون في بـن الجفـل=ولا لها خرمـه بـدون الزنجبيـل
يالله عسا لاخير طل ياليـل طـل=وكيف باعبـرك يالليـل الطويـل
بيتت ساهر طار مني النـوم عـل=وذكرت بومبروك ذي جسمه عليل
ذاك الحكيم الجيد نضرب به مثـل=وفي زمننا صعب نوجد له مثيـل
هو نورنا لاقد ظلـم نـور المقل=-وهو شعاع الشمس في قيم المقيل
لاقل شىء من حيث يرغب بايصل=قوله شبيه النقش في الحيد الاصيل
عنده كـلام الفصـل ماقـل ودل=والصدق عنده والحقيقـه والدليـل
ودق ذا الهاتف وقدنا فـي العمـل=وقلت هذا الشخص بالبكره عميـل
رديت عالهاتف تلعثـم ذي اتصـل=وقال بو مبروك عجـل بالرحيـل
وفي تمام السادسة قالـوا رحـل=يامعسر الفرقة إذا حـان الرحيـل
هذا مصاب الكـل وافـاه الأجـل=وقلت بانفقـده جيـلاً بعـد جيـل
يالله تخفـف يـوم بايزيـد الثقـل=تغشاه بالرحمه من الحمل الثقيـل
وثبتـه بالقـول لامنكـر ســأل=واجعل كلام الصدق للجنه سبيـل
عساه في الجنه قـراره والمحـل=وحيث مايختار في الجنـه حليـل
هذا عزانا لأجل بو عامـر يصـل=والشاب والجاهل وكل شيبه جليل
وللمقـدم ذي علـى الله متـكـل=شيخ القبيلـة والمحافـظ والكيـل
بايحرن الشرقي ومخيـه والجبـل=ونجد باتحـزن وجـدة والجبيـل
والعفو لاشي نقص يحصل أو زلل =سبحان رب العرش و العفو الجزيل
والختم عمى والقيامـه والرسـل = والخلد والكوثر وعين السل سبيل
وعالحبيب المصطفى سلم وصـل = صلاه تتغشاه فـي صبحـاً وليـل

قصيدة محمد بن عبدالله

قد قال خو طالب انا عظمي رقل= والجسم رك والعظم بايرقل رقيل
ياهاجسي جوب على كل من سال= خلك مثيل السيل في الوادي يسيل
يالله تصلح ماتبقى في العمل=وتغفر لنا يالله في يوم الرحيل
مسلم ومؤمن بالقضا هو والاجل= حد قد قصر عمره وحد عمره طويل
لو الموت شاورباتقدم له بدل=لانه زعيم القوم ماغيره بديل
لاكن طلبت الله يخلف في العول=مثله يحل في وقت لاحل الحليل
وبو علي قد قال شو دمعي سبل= كما نهر دجله عذب ماها سلسبيل
واصبحت من دونه كما من به شلل=يمسي يون بالصوب ذي منه عليل
هذه بيوتي هاجسي فيها صهل =وانته نمر ياصاحبي يصهل صهيل
والختم صلو عالنبي عد مازل= والرعد حن والبرق بايشعل شعيل