ا0ب0ت احرف وعبره من سالم باتيس

[الواثق بالله]

الالف ا

الاف ا بداء باسمه الاعلى=جلا جلاله من له الاسماء
وكل صفات الواحد المنان=واغفر لنا ياعظيم الشان
والباء برب الناس كل مطلب=يغفر لعاصي وكل مذنب
من تاب من انسها والجان =واغفر لنا ياعظيم الشان
والتاء تمنى كل من يقنت=يثبت اقدام لازلت
عالشرع والعدل والاحسان =واغفر لنا ياعظيم الشان
والثاء ثبت بالنفس لا تحنث =والوعد والعهد لاتنكث
واحفظ عهودك ولا تختان= واغفر لنا ياعظيم الشان
والجيم جارك خل له مخرج =لاتحرجه كان هو محرج
واتعايشوا كانكم اخوان=واغفر لنا ياعظيم الشان
والحاء حدود الله لاتسمح=كل من تعداه مايفلح
يحذر عقابه من الديان=واغفر لنا ياعظيم الشان
والخاء خساره كل من يرضخ =للنفس بالسوء باتنفخ
في الجوف شف كيرها رشان=اغفر لنا ياعظيم الشان
والداء دروب الغش ماترشد=كل مافتح باب يتقلد
ويعيش عمره وهو خسران=واغفر لنا ياعظيم الشان
والذاء ذنوبه من يبى المنقذ=لايبخس الناس لايؤخذ
بالحق باطل وبالبهتان=واغفر لنا ياعظيم الشان
والراء رويدك واحسب المندر=واحسب حسابك لاتبى تظفر
في يوم ماينفعك انسان=واغفر لنا ياعظيم الشان
والزاء زوادك لاتبى تعتز=ومن رضاء الرحمن باتحرز
نفحه عظيمه من المنان =واغفر لنا ياعظيم الشان
والسين سر بالضيف واتنفس=وافتح نوافذك والمجلس
ربك كرم مكرم الضيفان=واغفر لنا ياعظيم الشان
والشاء شمالك ذي بها تبطش=ومن حقوق الناس باتنهش
وبالطمع قلبك العطشان=واغفر لنا ياعظيم الشان
والصاد صدق القول كن مخلص =ومن كلام الحق لاتخرص
واحذر لقولك من النقصان =واغفر لنا ياعظيم الشان
والضاد ضاق الوقت قم وانهض=بادروبلغ كل مايفرض
وكل ماجاء في الفرقان =واغفرلنا ياعظيم الشان
والطاء طلب مولاك لاتقنط =ولاعلى الناس لاتغلط
ولاتغالط في الميزان =واغفر لنا ياعظيم الشان
والعين عينك ليش ماتدمع=والقلب قاسي ولا يخشع
وتريد ترتع في العصيان =واغفر لنا ياعظيم الشان
والغاء غنى الله قد اسبغ=نعمته عالناس باتبلغ
والشكر واجب على الانسان=واغفر لنا ياعظيم الشان
والكاف كن بالله من نفسك=نيتك تخلص بها ربك
وانته تعوذ من الشيطان =واغفر لنا ياعظيم الشان
والقاف قرب ولا تفرق=بين العرب لا تقع احمق
والعقل فاضي مع الحمقان=واغفر لنا ياعظيم الشان
والفاء فضيله من يبى ينصف=بالعدل بين الناس لايضعف
والفضل ذي يرفع الإنسان=واغفر لنا ياعظيم الشان
والنون نور العلم يتدون=نورا على نور في المؤمن
والعلم يمشي معه سلطان=واغفر لنا ياعظيم الشان
والام لوم العقل لاتغفل=ولاتقول العقل بايكمل
كل من غفل يذكر الرحمن =واغفر لنا ياعظيم الشان
والوا وراء الناس مااعتبرو=للموت الاف قد رحلو
والتاليه للثراء حلان=واغفر لنا ياعظيم الشان
والهاء هداية خير والجنه =يالله على الحوض من شربه
شربه هنيه تروي العطشان =واغفرلنا ياعظيم الشان
والختم صلوا على الهادي=اعداد ماغرد الشادي
على محمد ولد عدنان=واغفر لنا ياعظيم الشان