وش رايك بهذة البنت؟؟؟

[الغوربي]

هذة قصيدة ارسلتها لاخي الشاعر السهران وجوب عليها
واتمنى ان تنال اعجابكم

يقول الغوربي
وش رأيك بهذه البنت يالسهران
اسمع وعطني يا لحبيب أقــــــوال

قالت تبي اسمــــي مـــــع العنوان
قلت اسألي عن شخصـي الأحوال

اسمـــــــي متيم مبتلـــي ولهــــان
ساكن بحــي الأماني شارع الآمال

عمري دقـــــائق فــي حياة إنسان
عازب محبة فقــــــــري الأمـــوال

حبي بلادي وعشقـــــــــتي أوطان
لأني بتاجر ولا رجــــــــــــل إعمال

عندي وظيفة بشـــــــركة النسيان
مسئول عن نفســـــي وشغل البال

وعندي شهادة عشق في النسوان
وخبرة بها يشهـــــــد لي العـــذال

قالت وهــــي تضحك وأنا خجلان
عطني رقــــــــــم بيتك أو الجوال

قلت اكتبي سبعـــــــة ثلاثة اثنـان
خمسة ثلاثة وكـــــــرري المـوال

قالت وش اللـي قلت بعــــد اثنان
خبطـــــني ونســيت يا رجـــــــال

أخاف تطلـــــــع لي مثل بو فلان
وتكـــــون كاذب أو تكون محتال

قلت اصبري حتى الحقيقـة تبان
قالت معك صبري أشوفه طـــال

قلت اعذريني هـــــاجسي زعلان
وأنتي فرس عمـــري وأنا الخيال



يرد السهران

يالغـوربـي شف للهـوى ميـزان
حاـسـب ولاتـوفـي لـه المكـيـال

أبعد اذا شفـت الغـنـج قــد بـاان
منها حـذر توقـع عـلـى الأحبال

والـحـب يبـدأ من نظــــر لعيان
ويوثـقـه الـوصــــل والمـرسال

والحب لـعـبـة ما بهـا خسـران
مـا دام مـا طـالــوا لـه الـعـذال

لو قـلبهـا قاسـي عليك أحيـان
وتـسـمّـعـك فـي لـيـلـهـا مـوال

هـذي طبـاع الغيـد والنـسـوان
لازم تحــس بجـوفـهــا رجـال

واعذر جواب الهاجس الولهان
والعين عالحاجـب أبـد ما طــال

وان كان تبغى حكمة السهران
أسأله بعد النصف من شوااال


وتحياتي لكم