بدع وجواب بين بلسود واحمد بن سالم

[المهااااااااااجر]

عـجيب في الهاجــس الليلة قبولة ولب =
مثل المطـر في جهام الصيف يوم انكثب=
ياباجناحين ياذي بالجناح التهـب=
وبعـد قــم يالمعنـى فــي طـريقك سحب=
اطرح علية الزيادي لاتحط القتب=
ولاتجلّـب ولا للســوق سـوق الجـلب =
سـرّحة من حصن دائم ممكنة بالرتـب=
صل عند بن سـالم احمد ذي يحسب حسب=
وقـل لة ان عاد خشـمي ملتوي بالغضـب=
عـاد المصاويب باتلقي عـوي الذيب=
لمّا يقع مثل بـن ماضـي ومولى حبـب=
والا فلا عـاد غنـى فـوق كـم مـن ركـب=
راعـي حبيشـي على امتانة تكثب كثب=
وتقـول كفلة شبـك بادقـام صولة وشب=
وانشد على اهل القرابة هـم وياهـل النسـب=
وباتحامى خطـم قاطين واشـعاب شب=
الليلة الطـرف ساهر منّة النوم هـب=
لابي مهمّة من الدنيا ولاقـل حب=
مالحب لاشـح زرّينا صـدور القتب=
ندخل لة اسـواق سعف اجواد كم من زعـب=
عـدّوا سريّة ترحل بة رحام الحجب=
وبعـد قم يالمعنى في طريقك سحـب=
صـل لي حصون الصييقة عند كم من شعب=
شعبان ذي يندرون الكعب لاقدى الجدب=
صـل عند ذي قال خشمة ملتوي بالغضب =
غضبان ذي قال عادة عند كوفة قصب=
ماشاف ذي راح غلبة عند ساسة قطب=
مـن بين لودي معاند بوز مصبوب صب=
واللة ولو كنت شيبة واتّكي عالركب=
ان عادني بند الحسبة وطلق عـصـب=
وعاد بيدي رماة الصّـيد فيهم ذرب=
واسلابهم خمـس وربع بالرصاص اغتصب=
والمقدية حبها واوخذ طريق العرب=
وارقـب لها مثل من واقف وعادة رقب=
ولامعه جود منه عالعواج اصتلب=
كم من غنيمي على مولى العواد اصتـرب=
وان حد بغى حكم رأسة عاد رأسي غلب=
مازالت ادقام ذي تذلح عليها المهب=