الاتجاه المعاكس ... لا يفوتك

[العلايا]

الاتجاه المعاكس ... لا يفوتك



قانون الاصطفاف : إذا صاف في طابور بطيء وقمت غيرته ، طابورك اللي غيرته فجأه يصير يمشي أسرع من اللي أنت الحين فيه.

قانون التلفون : عمرك ما تتصل على رقم غلط ويطلع مشغول ..

قانون التصليح :بعد ما إيدك تتزيت وتتوسخ من الشحم ودهن الماكينة ، خشمك يبدأ يحك ...

قانون المعدات : إذا طاح من إيدك أي شي ، تأكد أنه يظل يتدحرج الى أن يوصل لألعن مكان ما تقدر تطلعه منه



قانون الأعذار : إذا تأخرت عن الدوام وقلت لرئيسك أن كان عندك بنشر ، اليوم اللي بعده بتبنشر من جد ....

قانون التروش : بعد ما تفك الموية وتدخل جو الترويشة ،، يبدأ التلفون يررررررررررن وما يسكت ....


قانون الالكترونيات : إذا أخذت جهاز عند مصلح تبي توريه أنه ما يشتغل ، وقتها يشتغل أحلى كلام ...

قانون السينما : اللي حاجزين كراسي في النص لازم يجون اخر ناس ويدوسون على رجولك ..



قانون القهوة : أول ما تجيب لك كاس قهوة ساخن ، يجي رئيسك ويعطيك شغله ما تخلص إلا لما تبرد قهوتك.

قانون المصادفات :إذا كنت مع واحد وما تبي حد يشوفك معاه فجأه كل اللي تعرفهم يطلعون من كل مكان.


قانون الأقساط : إذا عندك سيارة أو طراد أو أي سلعة مطلوبة للأقساط .. مجرد أن تنتهي الأقساط تخترب .

قانون الزواج : بعد شهرين من زواجك .. يسألونك ها في شي الطريق ...

قانون نهاية الأسبوع : وأنت نايم يوم الجمعة حد النومة ترسل أمك أخوك الصغير يغثك ويطلع روحك من الساعة 9 الصبح عشان تقوم تصلي الجمعة ...

قانون المعاش : اخر الشهر لازم كل العزايم والهدايا والطلبات تزيد ،،، حبكت ..

قانون الطقس : لازم بنهاية الأسبوع والواحد متحمس بيطلع للبر مع أخوياه .. يصير الجو هوى وغبار وحر ورطوبة بمعنى ثاني الفصول الأربعة بيوم واحد ..

قانون البحث : إذا حبيت تدور شي معين ( ما تلقاه ) ... مع أنك كنت كل يوم تشوفه مقابل وجهك ...



اكيد حصل لكم بعض هذي المواقف .... ايش رأيكم ؟؟؟؟؟؟؟