رسالة محب

[بونواس]

يقول الشيخ بن باراس بقعه ليش معكوسه=وراء بقعه كذا متغيره والحال ماهو الحال
دخلت الدار حصلت العرب والناس في حوسه=ووسط الدار ماحد اجنبي اعيال عم واخوال
وكل من شافهم بايقول هذه الدار منحوسه=بغت مخلوق يقراء وسطها ياسين والانفال
ويمكن انها بالجان والشيطان ملبوسه=ولاتمت كذا الله يجنبها من الزلزال
وانا لي امنيه وحده عساها دوب محروسه=ولانرضى لها بالبهذله ياناس والاهمال
ونحزن لارائيت اعلام هذه الدار منكوسه=ونفرح من فرحها ذي بها مخزون للاجيال
لان فيها مراجع غاليه واحكام مدروسه=مراجع غاليه ذي وسطها مايقترن بالمال
ولو جى اي بنادم يشتري ماتنفع افلوسه=لان المال زائل والحكم تبقى الا الازال