محاورة شعرية بين بن قطمان وبن عبثان

[بن قطمان]

بسم الله الرحمن الرحيم
السلام عليكم ورحمة الله وبركاته
الاخوان والاخوات الكرام
اقدم لكم الليلة محاورة شعرية
بين بن عبثان وبن قطمان وقد جرت المحاورة
في احدى منتديات عسى ان تنال على اعجابكم

يقــول بن عـــبثان عيني قاهــــده=لاتحـــسبوني نيــم مانا شـــي بنيم
امسيت فـكر في مهاري واجـــده=واترك جديد الوقت وارجــع للقديم
وقـــتي معـاندني وأنا با عــــانده=لانا ســـلم منه ولا هو شـــي سليم
والحاصل المضمون ماشي فايده=والعاقـل الصمصوم محكوم لغشيم

رد بن قطمان

قولو لبن عبثـان بقعـا هامـده=حتى يجيك الغيث والسيل الهميم
امـا المشاكـل لاتعـدد واجـده=لكن بتعوذ من ابليـس الرجيـم
ذي جاب واشنطن لحصن القاعده=وعبروهم عالسـراط المستقيـم
قم عبر اللقمـة ولوهـي بـارده=ولف خيطك مثل لفـات البريـم
ون شي قصب عاده بجربه ماجده=سرح معازيبك وسرحلك شريـم

رد بن عبثان

احنا نخيل غيث يزجم راعـده=مقبل من القبله قده يزجم زجيم
هذه سحابه بالغـزاره واعـده=با يجود ماطرها وقد ربي كريم
قولو لبن قطمان ماهي واهـده=او ماتشوف الناس تتلاطم لطيم
والنار تتوقد معدهـي خامـده=ومن قربها جاب نفسه للجحيم
كلين من همة وقـوة ساعـده=والحب بانصفيه وافهم يا فهيـم

رد بن قطمان

من بعد عشـرة باتـرد للواحـده=واكيد حرف السين بيقابله جيـم
يوم الصور تمت بعقلـي خالـده=ماهي لبن مـداح او عبدالحليـم
تاريخ شاهـد والعوالـم شاهـده=واقسم لكم بالواحد الرب العظيـم
مارد تمـرد جـاب لمـه مـارده=دخل جهنم بعـد جنـات النعيـم
يوم السبل ياصاحبـي متباعـده=هت بندقك باجيب لك قشعه وديـم
وصاحبي بالعقـل انـا باناشـده=جسمي سلم والعقل فالجسم السليم