مآآآآت الغلا .. طارق بن حيدرة

[طـارق صـالح بن حيـدرة]

اخواني الاعزاء

اعتذر عن الغيبه الاضطراريه لظروف خارجه عن الاراده

وهاقد عدت

واضع بين ايديكم جديدي

عسى ان ينال رضاكم واستحسانكم


...

لا تسألينـي عـن غلانـا ,, ليـه مـات ..؟ =اسـبـاب وااااجــد .. بالدلـيـل موثّـقـه
ابسط سبب : يـا قصـر لحظـات الحيـاة ! = واعظم سبـب : ياقـرب حبـل المشنقـه .!
ومابيـن هالثنتـيـن : عـشـر ٍ مهلـكـات = هاتـي قلمـك .. وسجّليـهـن بـ(ورقــه)
زود العنـا , عشـق الأنـا , نـكـران ذات = طول البطـا , شـح العطـا , مـوت الثقـه
غمـض الحقايـق , واســوداد الذكـريـات = عقـم التـواصـل , واخـتـلاف الأذوقــه
جملـة سبايـب ,, عيشتنـي فـي شـتـات = ضااايـع .. وادور ( للسكينـه ) , منطقـه !
لا لـي قـرار , ولا خيـار , ولا ســوات = صاحب حلال ,, وصرت كنّي .. اسرقه ..!!
خلاص طاح اليـاس .. مـن كـل الجهـات = والصبـر خلّـص ,, والمشاعـر .. مرهقـه
( حـب التملـك ) : آخـر انفـاس الممـات = مـابـاقـي الا زفـرتـيـنٍ ,, واشـهـقـه
وعيون .. في ليـل الحـزن ,, عيّـت تبـات = وقلـوب موتـى ,, بالضـلـوع .. معلّـقـه
ماعـاد ذي عشـره ,, ولاهــذي غــلاة = ولا عـاد هـذا حلمنـا ’’ الـلـي نعشـقـه
انا ليامن جيت .؟ مـا ارضـى بالفتـات ..! = وانتـي تحسبيـن المشـاعـر .. نقنـقـه .!
دونك ( هباتـك) .. حمّليهـا , فـي سكـات = ماهووووب انا اللي .. تسكتينه ,, بـ(صدقه) !
الجاهل : اللي للبخيـل .. يقـول هـات .!!! = والاحمق : اللـي مقتلـه ,, مـن بندقـه ..!!
حـاولـت اقــدم .. للمحـبـه تضحـيـات = واصبـر علـى سندانـهـا ,, والمطـرقـه
لا شـك مـات .. وماتـت احلـى الامنيـات = جاااايع ولكن .. ما اشبعته ,, ( الملعقـه ) !!
ودك نرده ..؟ للأسـف ,, مافـات , فـااااات = مهمـا تعبـنـأ نِنطـقـه .. مــا نِنطـقـه
هذا الغـلا يـا آآآآنسـه ,, لامـات .. مـات = واخـذي شـهـاده ,, بالدلـيـل .. موثّـقـه