`•.•• (أنا ماجيت بارك لك واغني لك فرح يومك) ••.•´

[الغوربي]

]

انا ماجبت بارك لك وغني لك فرح يومك انا جيت ادفن إحساسي وعزي العمر بسنينه انا ماجابني حزني وخوفي لا يحس قومك انا جيت اخذ الماضي اذا عادك تحفظينة حشـا والله ما عيبك ولا في خاطري لومك لأني مقـتنع راضـي بزين الحـض أوشينه عقب ذاك الفرح اللي سكن في القلب بقدومك توطن خـاطري جمـر الألم وادري تحسينه ألم فرقاك وغيابك وطـاري الحزن بعلومك ألم قلبي مثل قلبك أحسـه لـو تخـبينه قدّرنا نفترق وبقى نهاية حلم في نومك وتبقي في خفوقي جرح لا يمكن تداوينه جرح يعزف لك ايامك يغني هم مهموك يجر آهاته أوجاعه مشـاعر في تلاحينه جمالك زينتك حسنك وعطر العرس بهدومك عذابك حسرتك خوفك هواك اللي تكتمينه ملامح وجهك الباكي عناء حضك ومقسومك شعـورك حسـك الخافي أحس انك تعانينه حسافه ليت مفهومي بحبك عكس مفهومك وليت اللي حرم قلبك من أحبابك تحبينه أنا من خاطري ادعي عسى الله يبعد أخصومك وشوف السعـد في عينك بباقي عمر تحيينه أنا مكتوب لي ارحل وامحي باقي أرسومك ولدري كيف أتناسى أو أنسـى سر تخفينه رجاي إن غبت عن عينك تذكريني بمرحومك وسر مـوتي من أسبابك أمانه لا تبوحينه شعر: الغوربي

[

اتمنى ان يرتقي الحس الى ذائقتكم