قد صاب قلبي في المثناه

[ماجد العمودي]

العين تبكي على فرقاه=والبعد يشكي محبينه
والقلب يحزن يجر الآه=والحب ضايع وهو وينه
يا صبر حالي على بلواه=يا رب سالك عسى تعينه
سبحان رب البشر سواه=ما تقول مخلوق من طينه
الزين ملكه و يا محلاه=ماشفت شكله ولا عينه
جيته وانا طالع امحياه=والنور شارق من اجبينه
تلهب وتولع جمر لشفاه=واللون لحمر بخدينه
من شاف عينه طريقه تاه=والجعد سينه على سينه
ماجيت ودي عدم من ساه=هاذي طرق ماهي ابزينه
قد صاب قلبي في المثناه=من يوم شفته وفي حينه
مهما عطوني كنوز اوجاه=ولا دراهم ملايينه
باسير بخطى على ممشاه=باسير يدي فيي ايدينه
النوب سرح على مجناه=قد ذاق زهرة بساتينه
والقول مني دخل مرماه=ماشي غلط في قوانينه
كلن يحبه ولا يشناه=والنـاس كلهم مجانينـه
كل الخلايق تحب تهواه=لا جاه كافر دخل دينـه
ساكن بقلبي ولا ينساه=مثل الدماء في شرايينـه
الجسم كنه على مقلاه=لا غبت ساعه على عينه
هذا كلامي فهم معناه=لو جيت تقراء عناوينـه

20/4/2010