05-03-2010, 12:56 PM | #1 | |||||
حال جديد
|
الفقوز
ياسين بسم الله يا عالم خوافي كل سر = لطفك على عبـدك إذا قدنــا ممد في اللحــود
صلوا على الهادي رسول الله يا خير البشر = والآل والأصحاب لي هم ما يخلفـون الوعـود سلام عا عاشور لي عصّب محابيله وزر = من عند شـاعر كنّ لك كل تقدير ما يبغى شهود يا بو مراد الجيد لي شرعك موفي ما قصر = مـا تبخص الكيـله ودايــم تجعـل الزايــد يزود سلام ع فهمي سراجي ذاك في الليل الغدر = ما با نبدل بـه بديله شخص جيــد إبن جـود ذا فصل والثاني تعلمت المروهـ في الصغر = وربيت عا هذا وذا سالف أبويـه والجـدود قال الفتى الشاعر إذا صهري بدأ ابني بضر = ذا كيف با يدعيـه ابني خال يا صالح عبــود جاكم وناوي خير وانتو لي نويتوا له بشر = يهوين في يهوين يا خال الولـد يا باربــــود وبعد ما تم الكلام الزين والخاطر استر = حرفتـوا البيعة وقلتــوا خلنــا منــك بعــود وبعـد هذا لا تلوموني على ما قد صدر = ابني وحادي به ولا أسخي شي يضرهـ شي نكود هاتوا السبب والعيب لي فينا وردوا لي خبر = وإن كانها إلا شي ضغينة لعنبـوكم يالحسـود وإن كان بيه عيب بين لي على قل النظر = وإنك تبـاهـا كايده كل من لقـا كيــده يكـود عاد الليالي باتجي بطرح في الصافي غشر = وبا قلبـها حزن من بعـد المسرة والسعـود قابل واجهنـا إذا انته من أصحاب الفكر = لكنك أعمى با يقـع مسقاط من رأس الحيــود عقيت معروفي وفعل الخير قط ما ينتكر = إلا قليل الأصل مثلك يجزي الحسنـه جحـود خالي على عينـي وفوق الرأس بلقي له مقر = لكن عاد أشيـاء يا خـالي لهـا عنـدي حـدود وانتو تعديتـوا الحواجز ذيك والخط الحمر = والعز والنـاموس تاجي قط ما عنـّه نحـود تعال واجهنـا ولا توصي محمد أو عمر = والوجه عنـد الوجه لا تصبح من الواقع شرود والخال والد وين حنيتـك عالإبن الأبر = كنـك عـدو منتـه أبو يهوين يالخصم اللـدود وكل ساعة ذي تمر تزيد في السعرى سعر = ذي نار في جوفي على ما ألقيت تتوقـد وقـود تعال ليـه واعترف إنك خطيتـوا يا الغبر = وبعـدهـا با شـوف يا تميت أو نرجـع سـدود ولكن محالة يكتمل بي صفوا من بعـد العكـر = كأس المـودة لنكسر ما يجبرنـه شي ضمـور وقبل هذا با السبب لي ينقض العهد الأصر = هذي كبيـرهـ لي تخليـكم تنقضــون العهـود أنا إذا أعطيت وعدي ما خلفتـه يا الوضر = ذلا من آيات المنـافق لي يخلفـون الوعــود إبليس غوز لي وقال احذر ألف مرهـ حذر = وقال يا الفقوز شف عاد الليـالي با تعــود ونا معه في ضدكم حتى يقفزنـا ستر = وإن بايـودينـا تهامـه أو صحراء تمــود ولعاد با كثّر عليكم يا المهابيـل الصمر = حرام ذا في حقـكم حتى القوافـي والقصــود ما دام ذا راسي يشم الريح شوكم في خطر = ناحيـد ما كن منتـه إلا عا مهب بحـري تنـود والختم صلوا عا النبي أعداد طشات المطر = وإعداد ما برقت وما حنت في القبلة الرعـود |
|||||
التعديل الأخير تم بواسطة الفقوز ; 05-03-2010 الساعة 01:25 PM سبب آخر: تصحيح |
||||||
مواقع النشر (المفضلة) |
|
|
|