مساجلات الزامــــل الشعبي

[بن بريك]

اقتباس : المشاركة الأصلية كتبت بواسطة رشاش [ مشاهدة المشاركة ]

حياء وسهلا بالذي هرجه درر=من بحرها قد جاب لي جوهر ثمين وبلاد بالخيرات دايم باتدر=فيها المناظرلي تسر الناظرين فيها الجبل والسهل والبحر الاغر=فيها الكرم والجود عند الطيبين فيها النفط فيها ذهب صافي صفر=والماس فيها و الجواهر غاليين والمشكلة فينا ماندور الفكر=ولانفكر في الليالي المقبلين نحسب حساب اليوم ونخلي الشهر=وسنين قد مرت وحنا ساكتين ياصاحبي ذا القات شف أمره عسر=هو لي مخلي الشعب ماهم صاحيين كيف بانحرر أرض وحنا نستجر=مثل البهايم تحت قلعه قاعدين ولله على ذا الحال ماحد بايصبر=بانقلب الاوضاع في ساعة وحين

يامرحبا بك عد زخات المطر = رشاش وقت الضيق تسمع له حنين
هذا زمن جاير وذا وقت البطر = والناس حد جايع ومنهم مشبعين
هم يحسبون القات مظهر للفخر = وان المقوت شيخ وسط القاعدين
والحق يالغالي اذا تبغى الخبر = ان المقوت ظال مثل الظالمين
عادات جابوها لنا ما تعتبر = غسلوا عقول الشعب صاروا تايهين
من اجل يستولوا على كل ماظهر = من خير فيها ينهبونه ناهبين
لما متى ياشعب حالك مايسر = الأرض قد ضاعت ونحنا ضايعين