محاوره بيني وبين الهاجس(صالح بن هلابي)

[عيبون]

قال الجعيدي بابدا بالواحد الّي مايزول=الخالق المعبود لي هو في سماه المعتلي
سالك تجنّبنا جهنّم والسلاسل والغلول=واجعل حلالي في ديار الخلد سعف الهاشمي
لا ياوجيه الخير كل واحد يصلّي عالرسول=صلاه تعداد المطر والرعد ذي يلقي دوي
واله واصحابه حماة الدّين ورزان العقول=ذي نشرو الاسلام من مشرق المّا مغربي
وقلت يالهاجس تعن فك المقلّد بالقفول=هات الكلام الصدق يوم الصدق قد نجّى النبي
جوّب علي هاجسي قال الحمل مايل والعدول=والمرحله ماهي قصيره والجمل بايشتكي
قتله انا ياهاجسي كل مشكله ولها حلول=جوّب علي فلحال قال الوقت ماهو لوّلي
لي كان يشرى بالميه ماليوم بالعشره دبول=لا لا تذكّرني سنيني والزمن ذي قد مضي
ايام ماكانت سريني طعم فيها والسبول=وازيار مثنات المكن والتمر فيها ذي لكي
جاته سنين القحط والمحصول ذوّى (ف)الحقول=وابار يبست من زمن كانت لنا مورد هني
قتله انا عاد الامل والرعد تعقبه السيول=وسرينكم باتمتلي وانته فهمها ياذكي
قال الامل ماشي امل والكسر من فوق الفصول=لا لا تحاول تطلع الزانع في الدرب العكي
ركّت عظامه والبدن فيه الحراره والكلول=لل موت وسط الحنجره مابايفيده بيطري
قتله جمل باداس يرزح (ف)الملاوي بالحمول=مابايقرقر في الوعر والحيد ذي شامخ شبي
وفي النهايه قال هذا الوقت مامنه قبول=هذا الزمن لاتامنه دامه غدر في بو (عدي)
هذه نصيحه من محب والشامخه ماباتطول=والنخل مايوصل سما شف تاليتها يجتفي