بني ادم بشر ماهو مع الغلطات متخاصم

[عاشق قهوة الرواعي]

تسامح ليه ماتقدر وماحد بالخطا معصوم
بني ادم بشر ماهو مع الغلطات متخاصم
قدر بين الاحبه صار من هو بيننا مقسوم
ليا حالف نصيبه قار قدامه بيتناعم


نعم قالو صبر لمان تتعدل الى قدام
حقيقه ليه تتسرع وتبغى حاجتك تنضام
___________________
ليالي لامتى وانته نكد عايش بها مهموم
تصالي حالك العاثر ومنها دوم متشائم
تشوف الناس بالبهجه وتاثير الحزن معدوم
تصبر يالخوي ماجاك من ربك بيتقاسم


نعم قالو تصبر لمان تتعدل الى قدام
حقيقه ليه تتسرع وتبغى حاجتك تنضام
___________________
بغيت الزين من حقك ولي هو عندنا مذموم
تصاحب كل من ضدك وتنشد صوت متناغم
تحلى بالحسن والطيب والاخلاق لا باللوم
تمنى حلمك القادم يكون بشي متلائم


نعم قالو صبر لمان تتعدل الى قدام
حقيقه ليه تتسرع وتبغى حاجتك تنضام
___________________
نصيحه يالخوي وافهم عجيبه دنية المظلوم
مصير اللي تمادى بك يتجازى ويتناقم
حكم هذي من الشاعر قبل مانته تجي محكوم
فهم ياخي مدى خوفي على امرك بيتحاسم


نعم قالو صبر لمان تتعدل الى قدام
حقيقه ليه تتسرع وتبغى حاجتك تنضام
____________________



(للشاعر رميدان بلقصير التميمي)بومطلق