شـمـعـت لـقانـــا..

[عارف عبدالله النهدي]

شمعت لقانا يوم سافرت انطفت=وتبدلت كل المسره با الاحزان
ودقات قلبي يوم قفيت اوقفت=حتى إن دمّي حجر بكل شريان
حس المطار اهتز والارض ارجفت=ساعة فراقك حس في القلب نيران
وكأنها لحظات عمري انتهت=استغفر اللّه والخطاء زلت السان
صدق المشاعر في خفوقي ما أختفت=وبان الوله والشوق في ناظري بان
حاولت اخبي غير دمعاتي جرت=من فوق خدي بللّت كل الاوجان
عزي لقلبي يوم عيني لك بكت=لحظة وداعك غرّقت كل الاجفان
اسمك سفينه في وسط قلبي رست= وحبك يوجهّها ملاحه وربان
وخطواتك اللي داست الارض ومشت=والله ماداست سواء خافق انسان