الى طالب باتيس النعماني ,,,من شاعر بني مره

[خالد بن مهنا]

حدود العقل بعد البحر والبر=وقبل الشهب ذي في الافق لكبر
سماها في حما حامي حماها=واراضيها وحكم البحر والبر
مأمن في خليفه والخليفه=يسيّر مايشاء وهو المسيّر
معاد البعض للكل لامحاله=ومن كوّن فهو بالكاين اخبر
إراده محكمه تحكم بحكمه=لها العوده وهي للبدء مصدر
ثقافة فلسفة شعر الفطاحل=تلملم حرف في معنى مبعثر
وحرف السين يضرب في ثلاثه=ثلاثه ضرب خمسه في حدشر
بمجموع الحروف الابجديه=وضرب الاس في نفسه مكرر
وسته معجزه تحصل غريبه=مع الواحد اذا صاروا ثنعشر
وللالوان علم وفن راقي=بها احساسي المرهف تأثر
يباس العود لونه لون هادي=ولاتفقه هدوءه حين يكسر
ضجيج الصوت تاخذ ذبذباته=مساحات الوعي والحظ لوفر
من إدارك البصر واثنا سماعك=بصرك إ يقل لأن الصوت سيطر
خصوصا ان صوت الكسر مزعج=شظايا نقمته مضمونها شر
ولون البحر ازرق في محيطه=وهو ماء ماله ايّة لون يذكر
واذا قلنا السماء للون تعكس=فانا في لونها عقلي تحير
هي اصلن لونها ابيض.صراحه.=وقف عقلي عن التفكير مجبر
ولخضر اشكره شكرأ جزيلأ=الى مني رآيت الغصن لخضر
ولحمر احترمه ومااسي له=لحفظ العهد لي بالدم لحمر
وتقدير العزيز اللي كتبته= بدمي في قضائي والمقدر
علو النظره اللي في طموحي=بها بطلع الما النجم لزهر
على سلم وفاء بيدي صنعته=قواعده الثقه لي ماتاثر
ثقه مسمار في عين العتاوه=وتتحدى عتاوة ريح صرصر
تعب نفسك وكن للمجد ساعي=لو اطريت طول الليل تسهر
عن الجوهر بحث وابذل جهودك=لانك عندما تلقاه جوهر
اضاعة ذرة الرمل الصغيره=وسط كيس الجواهر ماتذمر
وان ذمرتها بعد الدواره=فثق انك غبي لاقل ولاكثر
ولاتسأل عن اشياء حين تبدوء=تسوءك .وان بغيت الصدق يظهر
عن الشيك المشكك في رصيده=ولاتدريبه اصلي او مزور
امين البنك بايقطع شكوكك =بااحدث تقنيات الكمبيوتر
ولامنه عطاك النقد بيدك=تذكر حكمت الاول تذكر
باان الصافيه تصفى وتبقى=كما النقشات ذي في الصخر تحفر
وحقد الرمل حاول يبتلعها=ولكنه في الاخر تعثر
فشل والحقد يفشل من يكنه=يعيش وخاطره دايم مكدر
وانا مجموع حقدي لو جمعته=كمثل الكره لي في قلب عنتر
على عبلى وعبلى نور عينه=جمعه ورد خبر لاحد تخبر
احب الخير وامشي في طريقه=ولايكون اجتماع الخير والشر
معأ في قلب .لأن القلب واحد=وذي عنده ثنين اقلوب يقدر
فذا ماهو بشر تحكمه فطره=رجع ماطور بو راسين لستر
سخافات اتجاه الفكر وحله=لدى الانسان ذي فكره مدهور
ورود الهام من شيطان مارد=اذا استورده تو في الحال صدّر
تصدر ايش ياولد الاكابر=بضاعه منها في السوق تخسر
مرادك تقهر الخصم المنافس=حسبت اللف والدوران يقهر
ولا تدري باان الصدق قوه=كبيره وصلها بالله اكبر
تبخر راس مالك ياحسافه=ولاتحول سحابه ذي تبخر
لانه فاقد التكوين يعني=سراب ان جات له حاجه تنكر
وفاقد كل شي لاتطلبه شي=وصفر ان تضربه في صفر صفّر
ولو تضرب في بليون يحلف=بااني صفر لايمكن تغير
معاذ الله ماخون الحليله=وانا عاهدتها والحد لبتر
لكل من خان نقطع به وريده=ودمه في آآآراض الله يهدر
وجبريل الملك ينزع قبوله=من ارض الانس والجن المستر
ولو لي قصد من خلف الستاره=بقوه خارقه جريتها جر
وميكائيل ذي بالغيث وكّل=نصيبه يقطعه في البرد والحر
ويحرم من دعاوي والدينه=ويلعنه التقي في كل منبر
حليله جاتني من صغر سني=تبيّت في وسط راسي تسطر
كريمه طيبه ماهي خبيثه=وابوها سلطنه في الحيد لزور
من اسره مسلمه تتعبد الله=ومن مايعبد المولى ويغتر
بدنيا فانيه يصلا جهنم=اجل مكتوب له مهما تأخر
وخير الله مايمنعه مانع=وطير السعد فوقك لاتعبر
تشوف اجمل علامات البشاير=ودمعك لاذكرت الله تحدر
خلق ربك طيور انواع عده=بشير البعض واما البعض لاخر
احس في القلب ماله قابليه=شقي مثل الغراب الوجه لغبر
ولابدا جابت الغربان بشرى=ولاكافر بشي جنه مبشر
ولايمكن يقع طعم البغيه=كما المغشوش والعيف المسنكر
يقول ابن الصقيري تاج راسي=رسول الله لي بالجنه اخبر
وجاب اشروطها والشرط يلزم=اذا كانك تباها لاتعذر
خلص نيتك واعرف وين تدحق=برجلك قبل ماتغلط وتعثر
ومن يكتب في الجنه مخلد=خلوده لو عرف معناه وابصر
تتوق الروح له والروح تعلم=ولكن علمها ماهو محرر
عليه النفس والشيطان يضغط=ويخلف حكمتك بالشور لقشر
حكيم العقل ذي رايه صوابه=اذا فكر بحكمه ثم دبّر
سلك درب السعاده السرمديه=وله منها فؤاده ماتخير
وعكس القول ذي جبته ندامه=وحسره وايش ينفع لو تحسر
من الحسره مخلد في جهنم=ومن حفره الى حفره مدحدر
ومن يذنب مابينه هو وربه=فقد يغفر ذنوبه لو ستغفر
ولكن الخطاء في الناس نكبه=بعد من هذه الخصله تحذر
وبعض الناس يقدر عالتسامح=ولكن بعضهم عالنقمه اقدر
اذا منه كسر عضمك بدعوه=فلاضنيت يجبر لاتكسر
ولو توزن له الدنياء جواهر=وتحيي من تراب القبر حمير
ويرجع في اليمن حكمه وجاهه=وجيشه والحرس طابور عسكر
وانا بنصحك حذرك يالساني=اذا جتك المضره لاتهور
وحاذر واعط كل رجال قدره=ولاتقع طاغيه ولّا تجبر
اذا استوليت حد والوالي الله=شف الدنياء لها مطلع ومندر
بني مره كناني حيد شامخ=ويافع في اليمين السيف لبتر
يزيدي اليزيدي راس مالي=مبارك خوي ذي يغزي ويضفر
وفي حلفي قبايل ماربيه=بني ضبيان من واشنطن اعسر
وكرزم ذي حمد يحكم حدوده=انا كسرى وهو صاحبي قيصر
بياض الوجه من عندك بغيته=مدام انه حضر للخير محضر
براءه تنكتب لي في جوابك=امام الناس ذي في البحر والبر
وشل نفسك ورح لك في طريقك=وامان الله يالشر المقشر
واذا كانك معك شي راي ثاني=كتب لي وعد تاريخه محرر
في الوادي وحي من وادي اعوج=هجوس القبوله وسطه تبهجر
وانا وانته ودستور العداله=وماسميته الكنش المسطر