حكاية مسرور مع امه

[الشبامي]

اقتباس : المشاركة الأصلية كتبت بواسطة الواقعي [ مشاهدة المشاركة ]

(قصيده بعنوان حكاية مسرور مع امه) مسرور يرمح ببطن أمّه وبه دِرْيت=لصيت سُرُج للأمل في قلبها طفْيت =لحباب فرحوا وأما الجار صدره ضاق =الأم لها قلب ما يكره ولـَـدها العاق مسرور بشّر ولا في الدار شي عيشه=والناس عا الرزق في عركه ومدويشه =والأم قالت بفضله با تحط لرزاق =الأم لها قلب ما يكره ولـَـدها العاق مسرور يلعب ولكن يكره أخوانه=كل يوم هدّه معا ربعه وجيرانه =صاحَب ملاعين وألقاهم خـُـوَه ورْفاق =الأم لها قلب ما يكره ولـَـدها العاق مسرور في المدرسه تلميذ مش عادي=ساعات مزعج وساعه ينقلب هادي =وإن ضايقه شي بسرعه يحرق الأوراق =الأم لها قلب ما يكره ولـَـدها العاق مسرور في الجامعه شاطر ومتنوّر=فالاصل بدوي وفكره فكر متطوّر =والعقل ما يفيد لا قد فسدت الأخلاق =الأم لها قلب ما يكره ولـَـدها العاق مسرور لجل التخرّج قال أبا حفله=يدرى بها الناس ما باها على غفله =با لصّي أنوار في الحافه وكل مطراق =الأم لها قلب ما يكره ولـَـدها العاق مسرور هويا إخوته عا الحفل ما سدّوا=ما إحترموا الأم ... داخل دارها إهتدّوا =العطف وينه ووين البر والإشفاق =الأم لها قلب ما يكره ولـَـدها العاق مسرور باقي معْ أخوانه وهو حاقد=( فــ ) قلوبهم نارعاده كيرها واقد =وش يطفي النار لا ما إتقطـّـعت لعناق؟ =الأم لها قلب ما يكره ولـَـدها العاق مسرور قرّر وكلّن منـّـهم قرّر=في يوم معلوم بالتاريخ ما تكرّر =الراس منقوع والموسى معا الحلاّق =الأم لها قلب ما يكره ولـَـدها العاق مسرور بين الأوادم قل مقداره=ولعاد واحد سأل عنـّـه ولا زاره =والوضع في الدار لا يُقبل ولا ينطاق =الأم لها قلب ما يكره ولـَـدها العاق مسرور أعوج وعاده جاء ( فــ ) رأي أعوج=ما شاور أمّه ... دعا الماذون وإتزوّج =عروس لصّه وأخوها والأبو سرّاق =الأم لها قلب ما يكره ولـَـدها العاق مسرور ما اليوم لا فوقه ولا تحته=يمشي مسربل بلا رادي ولا سبته =ولعاد نجمه ولا حتى علم خفـّـاق =الأم لها قلب ما يكره ولـَـدها العاق مسرور ضايع وقد جاب المرض لـُـمّه=لكنها الأم رغم الضيق والغـُـمّه =عليه تسأل ودايم قلبها مشتاق =الأم لها قلب ما يكره ولـَـدها العاق

مسرور ذاك الفتى الشقي العاق لأمّه وأمّته !!
مسرور الأعوج الذي تزوّج دون شور وبعد وقعته الغبراء يريد الفكاك بمصيبه أخرى لاتسر أمّه ولا أخوانه !!
مسرور ذاك الضايع المضيّع جاب المرض لأمّه ولإخوانه ولأهله جميعا لأنه عاق عاق عاق !!
مسرور مسرور مسرور !!
ماذا عساي ان أضيف بعد قول الواقعي ؟!!
شاعرنا الواقعي الذي تخصص في الشعر السياسي الناقد وتألّق فيه !!
شاعر أبدع كثيرا في رمزيته ، لقد كنت حين صدور هذه القصيده امام الجهاز وفي مكتبي ولفتت نظري وعند تصفحي لها كان بجواري أحد الإخوان فقرأتها له ، فلم يزد على قول لافض فوه هذا شاعر يابوصالح بس قل لي من هو؟؟
قلت له هذا الواقعي وإبتسمت !!