قصيده بعنوان صرح الشبامي

[أحمد العمودي أبوفيصل]

لاجل السقيفه جيت بنظـم قافيـه = باخص بها الحلان والسيد عقيـل
اهل المـروه والشـروع الوافيـه = لوقلت مهما قلت في الصاحب قليل
ولد الشبامي لـي بنيـه صافيـه = اسس لنا ذا الصرح لي ماله مثيل
نحن معـه فـي لولـه والتاليـه = الصرح ذا مابانبـدل بـه بديـل
يكفيك اسمه من شبـام العاليـه = مشتق من التاريخ والرمز الاصيل
لي صيتها في ألارض ملقي داويه = أم اليتامى صيتهـا يرقـل رقيـل
هذه سقيفتنـا عكـاظ الثانيـه = لي مقصد الشعار من زامن دويـل
ربت من الشعار كم مـن داهيـه = لي يطرحون الوزن في الكفه ثقيل
حلانهـا أهـل القلـوب الساليـه = أهل الكرم والجود وألشرع الطويل
عذب ألقوافي عتمهـا والساقيـه = وشعارها لشعاب لي تمسي تسيل
وسيولها تاتيك من كـل ناحيـه = نزل السحاب الزين لي يهمل هميل
صافي كرع طب القلوب الضاميـه = لي يشفي المارود والقلب العليـل
هـذه سقيفتنـا حـلال العافيـه = مابيتركها من عرفهـا مستحيـل
هذه السنه ظهرت بصوره باهيـه = بعد انتخابـات المعلـم والقبيـل
والفضل لأصحاب العقول الزاكيـه = أعضاء أدارتها وبوصالح عقيـل
عقيل لي خلى الكفـف متساويـه = بالعدل ماكفه علـى كفـه تميـل