01-02-2011, 08:00 AM | #1 | |||||
شاعر السقيفه
|
ريسيفر المحبه
لاهل الهوى والعشق قال الذيب بعقد مؤتمر=باوضح الصوره وحسب اللحن با صوغ القصيد
با قسم العشقه الى حاضر وما ضي قد عبر=زام الصغر لي فيه كل ليله لبس شيذر جديد لجل القناصه لا نويت الصيد في وادي خضر=فيه العلاوي بارده وجبال يكسوها الجليد قانص ومتمرس وضربي ما بداء مره قصر=موت على المشواف في المنحر متى ما نويت صيد كم من طويلة عنق في الغزلان ما ردة خبر=الا بحد سكيني المسنون يهوي في الوريد الصوط والوديان تعرفني مثيل اشعاب سر=والديس والبقرين والهوته وغزلان الصعيد كنت الملك والمملكه في العشق لي حلو النظر=ماقر لي شي حكم ثابت مثل هارون الرشيد لما رماني الحظ في من في طرف عينه حور=سيطر على قلبي بجد واصبحت له خاتم بليد امنت ان الحب له سلطه على كل البشر=وانه على كل القلوب القاسيه سيد وسيد سلطته في داخل سويداء القلب وانبير الخطر=يطلع وينزل حسب قوة بث تاتي من بعيد العين راداره ومصدره الرئيسي للصور=والقلب ريسيفر بلا ريموت يفعل ما يريد ونا بشر لحما ودم ياناس قلبي مش حجر=قلبي كما الريشه تحركه المهب ما هو حديد سلم لمن حبه قمر شعبان ياهو خو القمر=ان شي قمر عالقاع يمشي هو القمر خلي اكيد له قلبي السالي تبسم يوم شافه وانفطر=واعطاه حق السمع والطاعه مدى العمر المديد والقى لقلبي فرمته من كل ما عدا ومر=وصار بي اسعد بني ادم في الدنيا سعيد مارس حقوق السيطره باسلوب راقي معتبر=وعشت ايامي بجنبه كلها جمعه وعيد داخل حجاب القلب محبوبي بنا واسس مقر=في حاضري ماله منا فس ساكن القلب الوحيد لا غاب عن عيني عمى ما شوف ويضيع البصر=وبعودته يرجع نظر عيني عليها ايد بيد مادريت من منا يحب لاخر من الثاني كثر=لكن حبي له مثيل البحر في مده يزيد وحب محبوبي احسه مثل ما تحس الشجر=قطر المطر يروي عطشها من ظمى القيض الشديد كالكهرباء والماس نا وياه ما لواحد مفر=سالب بلاء موجب مثيل الشيك لي ما له رصيد قلبي وقلبه كل واحد في هوى الثاني انصهر=باخذ وعطا ملموس وتفاني في الدنيا فريد في بو رصة عشقي هو التاثير كله والاثر=امثال ما يؤثر بسوق المال ماقال الوليد سهم المحب نسبه مقفل عند بوطارق عمر=ما هزته احداث او اقوال من حاول يكيد قدوتي في عشقي وحبي بالمفيد المختصر=من تجربة ليلى وقيس ابن الملوح مستفيد |
|||||
التعديل الأخير تم بواسطة عمر الذيب ; 01-02-2011 الساعة 08:03 AM |
||||||
مواقع النشر (المفضلة) |
|
|
|