يا الواقعي==========وقعت حصاة الواقعه

[عمر الذيب]

ياالبرمكي يكفي كفى يكفي كفى=لا تحسب ان الكير شرر وانطفى
=بدات من الخضراء ودورك بايجيك
=خذها نصيحه من محب منك وفيك
بلغ محبينك وقومك كلهم=واحسب حسابك شفك واحد منهم
=لاماهداك الله ماحد بي هديك
=خذها نصيحه من محب منك وفيك
من بعد ماكنتوا صحاب المنزله=ايامكم سوداء اكيد المقبله
=لامستحي منهم ولا انته مستحيك
=خذها نصيحه من محب منك وفيك
خلاص بان الوضع والامر انكشف=وتناثر المستور من تحت الشطف
=من قوم طعن الظهر واذلال الشريك
=خذها نصيحه من محب منك وفيك
ان كان ما للجرح الا التيتوه=لابد ما تنداس كم اقلنسوه
=شي منها انداست وشي دوسه وشيك
=خذها نصيحه من محب منك وفيك
بعد الهدؤ بركان في الارض انفجر=ومساهن الزلزال في وادي عمر
=بايقلب الحوكه على راس المحيك
=خذها نصيحه من محب منك وفيك
زلزال بايدامي عروش الباعبد=اهل الضليعه والذي هم في المقد
=بايدعك السيطان والوادي دعيك
=خذها نصيحه من محب منك وفيك
يالواقعي وقعت حصاة الواقعه=على راس كل خاضع ومن هي خاضعه
= وقعت على هذك وبايجي دور ذيك
= خذها نصيحه من محب منك وفيك
ياريتني الا الموت مرسل لادمي=ياخائن الامه ومسرى الهاشمي
=ساعات بامدك وساعه باطويك
=خذها نصيحه من محب منك وفيك