زهرة السوسن البري ( إهداء )

[الهاشمي - السيباني]

إهداء


إلى زهرة نمت في حدائق عشقي وسقيتها من مصافي حنيني

(( زهرة السوسن ))

بقلم - حسين الشاطري

في ليلٍ مكتسي بالصمت جلست وفي هجوسي خبال,,!! = أدور للقصيد ألي يليق (بتاج رأس) الحور
وقمت أدندن بلحني وأدور نغمـــة الموال = وأسامر هاجسٍ ثاير يصحي حرفي المهجور,,!!
ويومٍ مفردات الشعر تدلت بأعذب الأقوال = ورقت لجل ما توصف ملاكٍ ما عليها قصور
لقيت الشعر ما يمديه ولا عذب الحرووف تنال ,,!! = رضاها يوم تسمعها وتحس إن في كلامي زور,,!!
ولكن ما علي تزعل مادام البال ,,, (عال العال,,!!) = أبوصف قد ما بقدر ومثلي لو يزل ,,, معذور,,!!
وعذراً ماني بمخطي لو أكسر من يدي أغلال = وأساير حرفي الظامي الامنه قطع بي بحور
في ذيك الي شذاها غير في ذيك (السوسن) المختال = في ذيك الي هواجيسي تدن بأمرها وتفور,,,!!
هذيك العطف والرقة هذيك الي تسر الحال = هذيك الي إذا طلت تنور ظلمة الديجور,,,!!
عليها من بنات الحور رقي وهيبه وإجلال = وتجبركل عذارى الإنس يلن وصدرهن مقهور,,!!
لأن في شعرها ليلٍ شديد الظلمة ويختال ,,!!!= مثل تاجٍ على عرشٍ ستايره اكتست بالنور ,,,!!!
ومن حدر الشعر المح جبينٍ به يطيب الفال ,,,!!! = تباشيره تسر النفس وتشفي الخاطر المكسور,,,!!!
يظل جفون مرسومه صنعها الخالق المتعال ,,,!!! = تبارك صنعة الخالق جعلها بالجمال تثور,,,!!!
ودون الرمش ياربي جفونٍ رمشها قتال ,,,!!! = كحلها صنع رباني ورمية سهمها ماتبور,,,!!!
إذا ترمش على عينٍ كسولة زينتها ظلال ,,,!!! = وإذا ترخي تشوف العين نقية متقنه للدور,,,!!!
تسيل فوق خديها كحلها من عروق الخال ,,,!!! = على خدين من مرمر ومن فضة ومن بلور,,,!!!
وخشمٍ كمل الرسمة شموخه ما قصر أو طال ,,,!!! = مثل ما قالوا إنه سيف على صد العدا مشهور,,,!!!
ومن حدر الخشم (شفة) عليها الشهد رق وسال ,,,!!! = عصارة توت سكرها يرد الروح للمذكور,,,!!!
وتخفي يوم تتبسم جواهر بالغلا تكتال ,,,!!! =على صفين مرصوصة فديت الدر لي منثور,,,!!!
تلم لسان ممزوجة بشي وما كذب من قال ,,,!!! = بان الريق للعاشق عسل ياطيب ذاك السور,,,!!!
وأما العنق وش أوصف تضيع بوصفه الأقوال ,,,!!! = هذاك العنق ما طاله شموخ الظبي حين نفور,,,,!!!
وجيدٍ ممتلي بالزين فديت الرسم والأطلال ,,,!!! = فديت الموطن العاجي الا منه اكتسى بزهور,,,!!!
وعذراً لو وقف نزفي وكف البحث والتجوال = في ذيك الي محاسنها لو اكتب ما وفيت سطور
ولكن بحفظ لنفسي بقايا الوصف يوم أحتال ,,,!! = عليا هاجسي قصدة يوقعني في المحظور,,!!
وكل ما ودي بقوله بصيغه في سطور طوال = وأبعلنها على العالم وكل منهم معاي حضور
وأقول لها بكل جرأة ولو فيها سجن وحبال = وأسمعها الذي قلته وأسيب الحكم (للجمهور!!)
بأني عاشق لحضرة جنابك في وله وهبال ,,!! = وإنك غالية عندي ورب إلي وقف عالطور,,!!
وإنك بلسم جروحي ولو زل الزمان ومال ,,!! = وإن اليوم في غيابك أشوفه عن ثلاث شهور,,!!
وإنك في شراييني حكاية نبضها لا زال = يجري الدم في عروقي ويغرس في خفوقي جذور,,!!
وإني يوم زعلتك تمنيت القبر في الحال = فدا دمعة من عيونك تدنيها بعمق شعور
وهذي من خيالاتي قصيدة توصلك في الحال = وبيدك حرفي الذابل ودونك حرفي المكسور
عساها توصل وترضي وأفوز بلحظتين وصال ,,!! =ولو ما سرتك مني ترى فيني سؤال يدور
وش الي يوصف السوسن إذا هب النسيم ومال,,؟؟ = وحرك غصنه الزاكي وغشانا ندا وعطور,,!!!
وعذراً بسحب أوراقي وصوفك ما عليها جدال = تعالت قدرة القادر خلقك فرقكي عن بنات الحور!!!

:5$50$6$5:


مع عظيم حبي وجل إمتناني لكم أحبتي


حسين الشاطري