زواج ميراد الكندي من شاعرة الحنين

[ميراد باسودان]

مساجله شعريه بين شـــــــــــاعرة الحنين وميــــــــــراد باسودان

شـــــــاعرة الحنين

يقول الشعر ياقــاف أمنـحيني=فنون ا لقول من اعلا المــراتب
وياهاجـــس أنا ناديت جــيني=وهات الشعر مثل السيل ساكب
إلى ميرادمن هــو نور عــــيني=وجفنيها ورمشه والحــــواجب
فنون النحــو مالك تسبقينــي=وتتهجي حروفي قبل أكــــاتب
فقالت لـــــي تأنى ياضنــــيني=لأنك تمتــــدح عالي المناقب

ميـــــــــراد باســــودان

هلا بالقول جاني بـايرويني=ويطفى في وسط جوفي لاهيب
كلامه عذب نسانـــــي أنيني=وداوى جروح في قلبي عطايب
هلابك ليتـــــك الا باتجيني=برحب بك وبعمل كل واجب
وبتساجل معك شاعر حنيني=ولبي لك طـــــلابك والمطالب
ولي عادات من صغرت سنيني=أعوم بحور ماخاف الغــلايب

شـــــــــاعرة الحنين

ألا ياسحب بالله أمطـــــــريني=وأسقي أرض من جانا يجـاوب
ويا أوتار في العــــود إعزفيني=وغني أبيات ميراد مثل ما حب
صراحه قلت كم صـــحا حنيني=ونسى القلب من كل المصــايب
وأرواني وأزهر فـــــــــي عريني=يانسل الجيد بك ماكـــــنت خايب
ونا قد قلت في نفســـــــي وبيني=صراحةأنت ناطحت الكــــواكب

ميـــــــــراد باسودان

بحرنا في بحور ربك مـــعيني=بحرنا في عيـــــون أم المصايب
رمشها والهــــدب ضيع سنيني=بلا رحمه تهــد قلـــيب ذايب
ولا تــــرجيت قالت واضنيني=انا بنت الحسب بنت النسايب
تصبر لاأنت صادق باتـرضيني=وأثبت لي بأنك في حــــــابب
وطمني وأرضــــــيني وجيني=بكاتب عدل وشهودك وقـارب

شـــــــاعرة الحنين

أنا باجيك قبل إنك تجــيني=معى أهلي على كل الـمذاهب
وباسلم بخدك والجـــــبيني=وبالكفين ودي كل واجـــب
أقول يامن تعلا في جــبيني=أنا قلبي بحبك صــار ذايــب
وبهدي لك فؤادي ثم عيني=مع روحي جبا ياعز صاحب
وبرسلها مع الــزفه العديني=ويعزفها ((محب )) ياليل ياحب