محاورة عبر الفيس بوك بقسم الدردشة

[بن قطمان]

الاخوان والاخوات الكرام هذة محاورة جرت
على الفيس بوك بقسم الدردشه بيني
وبين شخص مسجل باسم عود كبريت هناك
وحبيت انقلها لكم والمحاورة جرت قبل قليل من وضعها هنا

عود كبريت=
سلمت في الدردشه لكن في الدردشه=حصلت ناس ٍ هنا ما يكرمون السلام
بن قطمان=
حط الوفاء بالوفا لاتحسب القرقشه=وانك مع القرقشه باقول ماشي كلام
عود كبريت=
لحظه هنا حيدره وابياته المدهشه=يا هاجسي هات رده يا عظيم المقام
بن قطمان=
وانته كلامك ذهب وسط الحجر تنقشه=والجوهرة قال شاعر ذيها راس هام
عود كبريت=
ادري بحرفي ذهب كم شاعر ٍ يربشه=وانته ذهب حيدره في مسكها والختام
بن قطمان=
رمضان جنا هلا ومن تعب عطشه=لكن عقب الضما الاجر لاهل الصيام
عود كبريت=
المسلم اللي يصوم الشهر ما نكرشه=يلقا الرضا والوفا والثالثه الاحترام
بن قطمان=
والشعر لاهل السلا كله كما الفرفشه=والعشق باب البلا كسر علينا العظام
وصاحبي قدره دايم ولا حرشه=التحرشه مشكلة شفها اساس الخصام
عود كبريت=
بعض العرب لا حفر قبر ٍ ولا ينبشه=لكن موتك دنا يالعاشق المستهام
مني وانا الشاعر اللي يكره الدحبشه=اما تجيني وفا والا بحد الحسام
بن قطمان=
القبر واحد لنا بالورد بانفرشه=خذلك ملا ايدك ونا بوخذ قدر لنقسام
باصابي بنشدك واللحلم لاتعرشه=انته من الديس ولا تحت ذيك الدقام
عود كبريت=
صنعا تنادي عدن والعالم محششه=وش موقفك يا بطل من ديرة احفاد سام
بن قطمان=
شف موقفي موقفك والهرج لاتنكشه=والصقر ميح على القمري وفرخ الحمام
عود كبريت=
قالو جدار البلد مضروب بالطرطشه=في لحج وابين وفي الضالع من ام الحمام
بن قطمان=
طحين مطحون يالصاحب ولا تجرشه=اهل الوطن في تعب ربك يفك اللثام
عود كبريت=
وش صار قولوا لنا صار البلد ملطشه=من ذا ومن ذا ومن هذا وعمي عصام
بن قطمان=
عصام كلبه معه والكلب بايخرشه=بعد العسل جاء البصل لايا هيامه هيام