08-31-2011, 03:51 PM
|
#1 |
|
شاعر السقيفه
|
نجم السعادة (بن بريك)
السلام عليكم ورحمة الله وبركاته
يا مرحبا مليون يالهاجس سجع = تعداد مالراعد رعد فوق النجود تعداد ما قد سال سيله وانقطع = وتحقق المطلوب من خير النقوع لا جيت للمجلس تركنا لك وسع = واحنا معك دايم على العاده سدود وبابنا مفتوح لك وانته سمع = لبغى معك سمره على ضوء الشموع مادمت تسمع لي انا لك بستمع = وتقص علي اخبار لي خلف الحدود دام الخبر منك انا به مقتنع = يا ولد الاجواد يا زين الطبوع الوقت باقي ما مضى .. به متسع = تروي علي ما صار في ارض الجدود كثرة بها الامراض وازداد الوجع = وافراحها قلّت . ويا كثر الدموع نجم السعادة عندنا مبعد طلع = والجو عاده حار . مبعد شئ برود لاقد اتى وقته ونوره قد سطع = باتكثر الفرحه ولا حد بايجوع ماهو من الاسرار . ودي ينطبع = راس الجريده للعرب لي هم قعود يقراه كل قاري وصدره يتسع = والحر ما يترك طويلين الشروع يا كثرهم لخيار في ذا المجتمع = كم من فتى فينا يحطمها قيود ماحد لغير الله منا قد ركع = بالصبر نتحلى ولله الركوع وفي النهاية يالبطل كن مقتنع = مابا يظل الوضع هذا في جمود لابد ما ياتي زمن به ترتفع = اعلامنا حرة على كل الربوع ويختفي الفاسد وكل من به طمع = ويعم علينا الخير والفرحه تعود لا تقول لي تحلم .. حقيقة باتقع = انظر خيوط الفجر قرّب بالطلوع صل ركعتين الفجر من بعده هجع = ساعة وقم واصل وكثف بالجهود والوصل بايبقى معك ما ينقطع = وامسك بحبل الله لا تخشى الدروع بن بريك
2/10/1432هـ |
|
| مواقع النشر (المفضلة) |
|
|
|
|
العرض الشجري