مجـــــــــــلس: عميد شعراء حضرموت,المقدم الشاعرحسن باقديم للشعر الشعبي؛؛؛؛؛

[حسن محمد سالم باقديم]

يارب بسالك تجلي همنا والغم =والجود جودك وعفوك والرضاء مطلوب
يارازق الادمي من حيث لايعلم=لوبايضلي يخب ماله سوى المكتوب
يارب تنظر لنا نظره وتتكرم=وتغيثنا في الوطن يوم الوطن محبوب
وعسى لنا خير وعسى شملنا يلتم=وتطيب الحال والمأكول والمشروب
وان تمت الا كذا ياهمنا باالهم = تعبه على الحضرمي دوبه وهو متعوب
يامافي الراس عندي من قوافي جم=هاجسي هو والحليله راسها مضروب
ولعاد حد باالكلام الصدق يتكلم=الصمت فيه السلامه والشبك منصوب
وان قد تكلمت ياويلك سقوك السم=ولاعطوك الكياء باالميسم المشبوب
وبليس ياكم يفرق في بني اّدم=قد سبب الحزن عايوسف وعايعقوب
مادامت الحقد بين الناس يتجسم=واحوال حد منها راضي وحد مغضوب
وان جيت بانسم الخاطر وبتنسم=ماشي نسم والمشط في راسها منشوب
وكل ماصابها من خالها والعم=من سمح ملقوا لها معنى ولا ترتوب
والقرش في ذا الوطن لوكان عاده صم=بايجيب قرص البغيه من جبوح النوب
لميد كل حضرمي من لذته يطعم=ولايعبر حياته دائما متعوب
يجني ثماره من الجربه ويتنعم=والخصم يبعد يجنب منها تجنوب
وان صاحب المال بايجهش وبايقضم=خاف النشاري يصبح زرعها مصروب

نكملها في وقت اخر ان شاء الله مع التفصيل خروج اطراري