جميع قصائد اخوكم \ حسن محمد سالم باقديم

[حسن محمد سالم باقديم]

هذه القصيده ل حسن محمد سالم باقديم حررت بتاريخ 24/1/2013م

مهداه للاخوان الشاعر الشيخ عبدالعزيز بن مبخوت بن شريشر والشاعر الخليفي الهلالي



( بعنوان )

الناس تلفح والمعاصر فوقها زاحف ذميم=والحاصل ان الذيب يوكل خوه والطارف غريم
وبيت الساحر يقري الساحره عما وجيم =والذبر ذريه ماطلع في المسحره عند الحشيم
يوم السبب سيئون ترمي عاالتريمي في تريم=واليد حمراء والخميني خصر القهوه بليم

قال الذي مايفتح الابواب لا بسم العظيم =ولا تنفتح لن قال بسم الله الرحمن الرحيم
كلمه تفك الباب وتفرج على الحال السقيم=وتبعد الشيطان من عاالفقر وبليس الرجيم
يلحق بها كل من دعاء جابه من الرب الكريم=الملك لك ياخالق المعدوم من صم الصميم
خلقت اّدم من صعيد تراب لازب يارحيم=اّجال له تكتب على الدنيا وله امراً حتيم
يرجعه تاره ثانيه للطين يامحيي الرميم=والهمته الخسران والتقوى وجنات النعيم
والثانيه غر النفس يدخلك في النار الجحيم=ذي غره الشيطان في الشجره وكل في الاثم صيم
شاف التعب والحزمره والجعث والحال الشتيم=جاه الندم ذرفت عيونه باالدمع تردم رديم
هذا الاثر خلفه والشيطان في التركه قسيم=والجبوره هي خلت العاقل يشل شور الغشيم
ولعاد ردوا له خبر حتى ببرقيه وسيم=خلوه في محجان بين الصبح والليل الظليم
ولا طلب مسمار من حداد لقاء له بزيم=والفوس تتداقع مست في قرضة العود الصميم
عاقصد والملعب بعمديه يردونه شريم=وبين النجر متحنب المخدر في اللوح الجريم
وشارح النخله نعس ولعاد حس لا باالضميم=يفحق على الباقي وشي يقضمه بيداته قضيم
والناس تلفح والمعاصر فوقها زاحف ذميم=والحاصل ان الذيب يوكل خوه والطارف غريم
وبيت الساحر يقري الساحره عما وجيم =والذبر ذريه ماطلع في المسحره عند الحشيم
يوم السبب سيئون ترمي عاالتريمي في تريم=واليد حمراء والخميني خصر القهوه بليم
من ذا العمل ياحافظ احفظ يامسلم ياسليم=والظلم ماهو زين يعقب عاالظلم وامره وخيم
خلك معا القربيب هذا الفخر والشرف العظيم=ولا تفاتن عبد زومه كور وتسابق هميم
كل من دخس عينه مساء سهران ليله ماينيم=ومن عكر مورده بايشرب على الشرب السقيم
يبقى الذهب غالي وحاشا بايبت من غير قيم=وذي في النيه وذي في القلب يعلم به العليم
مقداركم غالي ولا شي عود خن عن باقديم=خلوا الحوال مستره من فضلكم يابني تميم
وباالظلامه لاتصيبون اليتيمه واليتيم=هذا كلام الصدق والبهتان مايوفي غريم

العفو من اي هفوه او زله او خلل

( وحقكم ووفاكم معكم بزياده وحيابكم )