02-06-2006, 12:29 AM | #1 | |||||
شاعر السقيفه
|
قصيدة أبجدية في عيد الوحدة اليمنية
قصيدة أبجدية بمناسبة عيد الوحدة الخامس عشر بالمُكلاء بحضرموت
مع تحيات / عبد الخالق سالم بن شحبل ، أبويوسف
أ) أبديت بسم الله الفرد الكبير=غافِر الزلات علاّم الضمير
رحمان يا رحمان يسّر ذا العسير=ونعوذ بك من يوم صرصر قوم عاد ب) بسألك يا رب تقوي المُسلمين=لعبوبهُم لنذال يسره واليمين من بوش لا طوني لا شارون السمين=ربي يسرها عليهم المعاد ت) تقوى الشوكة وندخل عالخليل=والمسجد الاقصى ونشرب سلسبيل وتكون لنا كِلمة مع الشرع الطويل=فرسان لطامة بقوة والعناد ث) ثارت الثورة على كل الوغود=بوذي ونصراني ولنذال اليهود قطعّو المصحف ونحنا بس قعود=ننتظر كِملة وإعلان الجهاد ج) جابوا لنا الأمراض من كثر الحَصار=هانوا الشيبان وعذبوا الصغار نبغاء لهم صرصر ويعصرهم عصار=يدكدك الأبراج يخليها رماد ح) حالت بنا الأقدار وصرنا سكوت=مسوى على لثواب نلبس والبشوت والفائدة ماشي صواريخ السكوت=نصنع الببسي ونصنع عالزباد خ) خانوا الأنذال من داخل قريب=دخلـّو البوذي وعُبـّاد الصليب والمراقص والطرب فِيديو كليب=وياكم من عين ما تهنى رُقاد د) دالت البكره وحلاّ التاربين=بير معمية ومطمورة بطين نذل فك حِصيان فيها ذا اللعين=تبغاء لها حفار يحفر فالجماد ذ) ذِل ذلونا وكل واحد ذليل=ما عرف دربه ولا ماسك دليل والمرؤة وين راحت الجميل=صوب ماجابه مداوي والكماد ر) رب يسّرها علينا ذه لمور=وقِطّع الكفار في يوم السرور يوم نصر الحق با رُش الزهور=لا رفعوا الراية على ظهر الجياد ز) زاوية تعصف وماها با يزيد=شوفها تِقبل وتلبس كل جديد كل ساعة تكتشف حقلاً جديد=رب ماشافت عساها شي حِداد س) سار قائدها على النهج القويم=يحترم شعبة وشعبة مُستقيم كلاً معه حقة مهاجر أو مُقيم=حارب الرشوة وأصحاب الفساد ش) شاع ذكره في المحافِل والأمم=شل حِمل القافله فوق العلم سلام بو أحمد عدد خط القلم=من جبل عيبان لا ذات العِماد ص) صلحّ الدُولة يساره واليمين=من حوف لا ردفان لا سوق العُدين والعِلم عند الله شفنا شوف عين=عسى ضميرة زين صافي والفؤاد ض) ضوا رجال المال من كل البقاع=قال شف أرضك وقاعك خير قاع وألقوا مشاريع الطويلة والنفاع=بقشان عمّر والعمودي بزدياد ط) طالت المُدة ونحنا مهاجرين=اليوم أو بُكره بلادي با تزين النفط والمعدن بها يرطن رطين=ننتظر لليوم لا نادى المُناد ظ) ظلم في لسفار والغربة تعب=نذل ما يسوى يحط فوقك قتب وأصبحت له مقيود من تحت الطلب=تسرح وتضوي بطاعة وإنقياد ع) عودة كريمة دوب نتمنى نعود=لديرة الخِلان هي مآوى الجدود لرض لحقاف الأصيلة والحيود=لي سكنها قبلنا حميّر وعاد غ) غبة قمر فيها الصواري تعتكِر=والموج يعصفها وكم عود أنكسر كل يوم ترجع مراكبنا طيّر=يخسف بهم ربي ديان العباد ف) فاحت الأرياح يا خس النفوف=ريح ذا الباطِل علينا والكسوف ضاعت الشيمة ولا خلـّف خلوف=والأمل فالله في نجدة تجاد ق) قبورهم تـُحفر على نهر الفرات=كل حين من جيفة عليها بالسوات وندوسهم دوس العراباء لرفات=ونمحى الأثار بالحرث السماد ك) كـُفر واضح في عناد المُسلمين=لهم قرار الزين والعربي بشين والقدس ترزح تحت ظلم الظالمين=وقالو خيار الناس إحنا والسياد ل) لعنة الله عاليهود المُغرضين=حاربوا لسلام شي واضح مُبين والعرب سكتوا على ذبح الجنين=عربّوا الساطور يتلهّب وحاد م) ماتت النخوة وضاع الإنتصار=مسوى في المسرح ملابسهم عصار والمكاسب منهم علقم وقار=لا ماجابوا العيفة يجيبون الفساد ن) نار شبّت في فؤادي منهم=مليت مجلسهم ومليت ذكرهم والدم تغيّر معادة دمهم=الخسف فيهم والملاهي والعناد و) والفو السيعة وشرب المُسكرات=قلدو الافرنج وشعوب الشتات والتالية تمّوا الضانة بشات=الله يهديهم إلى رآي السداد هـ)هذا صدر مني مرسوم الخطاب=تاريخ ميلادي بألوان العتاب في يوم وحدتنا إلى حضرت جناب=مايو لنا تاريخ نفخر به شداد ي) يا يمنا عِز لعراب الكرام=من سبأ تمنع براقش يا سلام وحضرموت أهل التواريخ القِدام=رب تجمعنا بها وادي بواد |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مكتبه الشبامي الإلكترونية الشاملة ,اكثر من 1000كتاب في شتى صنوف العلم والمعرفه ؛؛؛؛؛ | الخليفي الهلالي | مكتبة السقيفه | 37 | 04-19-2017 09:11 AM |
الجنوب العربي"كشف بالأماكن التي يتواجد بها لنازحين من محافظة أبين الى عدن ولحج مع احت | حد من الوادي | سقيفة الأخبار السياسيه | 0 | 06-07-2011 02:05 AM |
شبام الحب(ديوان شعر) | ابوسعدالنشوندلي | سقيفة عذب القوافي | 11 | 05-08-2011 10:31 PM |
شبام الحب(ديوان شعر) | ابوسعدالنشوندلي | سقيفة عذب القوافي | 5 | 05-08-2011 10:28 PM |
افضل 10 صفقات في النصف الاول من الدوري الاسباني | ابن سيؤن | السقيفه الرياضيه | 2 | 01-24-2011 09:27 PM |
|